Lunar Eclipse on Rakhi Festival Day: రాఖీ పండగ రోజే చంద్రగ్రహణం.. రాఖీ కట్టవచ్చా? సూతకాలం వర్తిస్తుందా? పండితులు ఏమంటున్నారు?

Lunar Eclipse on Rakhi Festival Day: అక్కచెల్లెళ్లు, అన్నదమ్ముల అనుబంధానికి ప్రతీకగా జరుపుకునే రక్షాబంధన్ పండగ వేళ ఓ ముఖ్యమైన ఆధ్యాత్మిక, ఖగోళ పరిణామం చోటుచేసుకోనుంది. వైదిక పంచాంగం ప్రకారం, ఈ ఏడాది ఆగస్టు 28న రక్షాబంధన్ వేడుకలు జరగనుండగా.. సరిగ్గా అదే రోజున సంవత్సరంలో రెండవ చంద్రగ్రహణం సంభవించనుంది. ఒకే రోజు పండగ, గ్రహణం కలసిరావడంతో రాఖీ ఏ సమయంలో కట్టాలి? సూతకాలం పాటించాలా? అనే సందేహాలు భక్తుల్లో వ్యక్తమవుతున్నాయి. గ్రహణం సమయం, భారతదేశంలో దాని ప్రభావం మరియు రాఖీ కట్టే నియమాలపై పూర్తి వివరాలు..

గ్రహణం ఎప్పుడు? ఎంతసేపు ఉంటుంది?

జ్యోతిష్య - ఖగోళ గణనాల ప్రకారం..

తేదీ: ఆగస్టు 28, 2026

సమయం:

భారతీయ ప్రామాణిక కాలమానం ప్రకారం ఉదయం 6:53 గంటలకు ప్రారంభమై, మధ్యాహ్నం 12:31 గంటలకు ముగుస్తుంది.

వ్యవధి: ఈ పాక్షిక చంద్రగ్రహణం దాదాపు 5 గంటల 38 నిమిషాల పాటు కొనసాగుతుంది.

భారతదేశంలో ఈ గ్రహణం కనిపిస్తుందా?

ఖగోళ శాస్త్రవేత్తలు తెలిపిన వివరాల ప్రకారం.. ఈ పాక్షిక చంద్రగ్రహణం భారతదేశంలో ఎక్కడా కనిపించదు. ఇది కేవలం పశ్చిమాసియా, దక్షిణ అమెరికా, ఆఫ్రికా, యూరప్, ఉత్తర అమెరికాలోని కొన్ని ప్రాంతాల్లో మాత్రమే స్పష్టంగా కనిపించనుంది.

సూతకాలం వర్తిస్తుందా? రాఖీ ఎప్పుడు కట్టాలి?

శాస్త్రాల ప్రకారం, గ్రహణం ఎక్కడైతే కంటికి కనిపిస్తుందో అక్కడ మాత్రమే సూతకాల నియమాలు వర్తిస్తాయి.

ఆందోళన అవసరం లేదు:

ఆగస్టు 28న వచ్చే ఈ చంద్రగ్రహణం మన దేశంలో కనిపించకపోవడం వల్ల, భారతదేశంలో సూతకాలం చెల్లదు

పండగ జరుపుకోవచ్చు:

భక్తులు, తోబుట్టువులు ఎలాంటి భయాలు లేదా ఆటంకాలు లేకుండా ఎప్పటిలాగే ఉదయం నుంచే పూజలు నిర్వహించుకుని, సోదరులకు రాఖీలు కట్టవచ్చని పండితులు స్పష్టం చేస్తున్నారు.

గ్రహణ సమయంలో పాటించాల్సిన కొన్ని జాగ్రత్తలు..

శాస్త్రాల ప్రకారం ప్రత్యక్షంగా ప్రభావం లేకపోయినా, గ్రహణ సమయంలో కొన్ని సాధారణ నియమాలు పాటించడం మంచిదని భావిస్తారు.

ఆహార పరిరక్షణ:

గ్రహణ సమయానికి ముందే వండిన ఆహార పదార్థాలు, నీళ్ల పాత్రలలో తులసి ఆకులు వేసి ఉంచడం ద్వారా ప్రతికూల కిరణాల ప్రభావం పడకుండా ఉంటుంది.

మంత్ర పఠనం:

గ్రహణ సమయంలో ఇష్టదైవ నామస్మరణ, గాయత్రీ మంత్రం లేదా మహామృత్యుంజయ మంత్రాన్ని జపించడం శుభకరం.

గర్భిణుల జాగ్రత్తలు:

సాధారణ నమ్మకాల ప్రకారం గర్భిణులు గ్రహణ సమయంలో బయటకు రాకపోవడం మంచిది.