Rare Yoga After 30 Years: 30 ఏళ్ల తర్వాత అరుదైన యోగం.. ఈ 3 రాశులకు రాజయోగం..

Rare Yoga After 30 Years: జ్యోతిష్యశాస్త్రంలో అత్యంత శక్తివంతమైన గ్రహంగా భావించే శని దేవుడు 2026లో తన స్థానాన్ని మార్చుకోబోతున్నాడు. మార్చి 2025లోనే కుంభం నుండి మీన రాశిలోకి ప్రవేశించిన శని, 2026 మార్చి 13న మీన రాశిలో అస్తమించనున్నాడు. సుమారు 30 సంవత్సరాల తర్వాత సంభవిస్తున్న ఈ అరుదైన గ్రహ గమనం కొన్ని రాశుల జాతకాలను పూర్తిగా మార్చేయబోతోంది.

శని కృపతో అదృష్టం వరించబోయే రాశులు

ధనుస్సు రాశి

మీన రాశిలో శని సంచారం ధనుస్సు రాశి వారికి అద్భుతమైన ఫలితాలను ఇస్తుంది. నిరుద్యోగులకు కోరుకున్న ఉద్యోగం, ఉద్యోగులకు పదోన్నతులు లభిస్తాయి. ఆదాయ మార్గాలు పెరిగి ఆర్థిక పరిస్థితి మెరుగుపడుతుంది. వైవాహిక జీవితంలో చిక్కులు తొలగి ఆనందం నెలకొంటుంది. విదేశీ ప్రయాణాలకు కూడా మార్గం సుగమం అవుతుంది.

కుంభ రాశి

కుంభ రాశి వారికి గత కొన్నేళ్లుగా పట్టిపీడిస్తున్న సమస్యల నుండి విముక్తి లభిస్తుంది. పాత అప్పులు తీర్చి ఊపిరి పీల్చుకుంటారు. ఆకస్మిక ధనలాభం కలిగే అవకాశం ఉంది. భూమి, వాహనం లేదా ఇల్లు కొనుగోలు చేయాలనుకునే వారికి ఇది అత్యంత అనుకూల సమయం. చాలా కాలంగా పెండింగ్‌లో ఉన్న పనులు వేగంగా పూర్తవుతాయి.

మీన రాశి

శని మీన రాశిలోనే సంచరిస్తున్నందున, వీరికి సామాజికంగా గొప్ప గౌరవం, కీర్తి లభిస్తాయి. వ్యాపారవేత్తలకు భారీ లాభాలు, కొత్త ఒప్పందాలు కుదురుతాయి. పెళ్లికాని వారికి వివాహ యోగం పడుతుంది. ఇల్లు లేదా విలువైన ఆభరణాలు కొనుగోలు చేస్తారు. పాత ఆరోగ్య సమస్యల నుండి కోలుకుంటారు.

శని దేవుని అనుగ్రహం కోసం చిట్కాలు

శని ప్రభావం అనుకూలంగా ఉండాలంటే ఈ పనులు చేయడం మంచిదని జ్యోతిష్కులు సూచిస్తున్నారు..

ప్రతి శనివారం శని దేవుడికి నువ్వుల నూనెతో దీపం వెలిగించడం.

పేదలకు లేదా వికలాంగులకు అన్నదానం చేయడం

హనుమాన్ చాలీసా పఠించడం వల్ల శని దోషాల నుండి ఉపశమనం లభిస్తుంది.