Saturday Misfortune Beliefs: శనివారం అపశకునం: ఆ రోజున పొరపాటున కూడా చేయకూడని పనులు ఇవేనంట!
ఆ రోజున పొరపాటున కూడా చేయకూడని పనులు ఇవేనంట!
Saturday Misfortune Beliefs: హిందూ సంప్రదాయం ప్రకారం, వారంలోని ప్రతి రోజు ఒక దేవతకు లేదా గ్రహానికి అంకితం చేయబడింది. శనివారం రోజు శనీశ్వరుడికి (Shani Dev) ప్రీతిపాత్రమైన రోజుగా భావిస్తారు. శనిదేవుడు న్యాయ దేవత, ఆయన కర్మల ఫలితాలను ఇస్తాడని నమ్ముతారు. అయితే, ఈ రోజున కొన్ని పనులు చేయడం అశుభం లేదా ఆర్థికంగా నష్టం కలిగిస్తుందని జ్యోతిష్య నిపుణులు, పండితులు హెచ్చరిస్తున్నారు. శనీశ్వరుడి లోహం ఇనుము కాబట్టి, శనివారం రోజు ఇనుముతో చేసిన వస్తువులు, పాత్రలు లేదా యంత్రాలు కొనుగోలు చేయకూడదు. ఇలా చేయడం వల్ల ఇంట్లో అశుభాలు, ఆర్థిక ఇబ్బందులు ఎదురవుతాయని నమ్ముతారు. అయితే, ఈ రోజున ఇనుప వస్తువులను దానం చేయడం శుభప్రదంగా భావిస్తారు.
శనీశ్వరుడికి ఆవ నూనె అంటే ప్రీతి. శనివారం రోజు ఆవ నూనె కొనుగోలు చేయడం వల్ల దురదృష్టం పట్టుకుంటుందని నమ్ముతారు.
పరిహారం: ఈ రోజు శనీశ్వరుడికి నూనెతో దీపాలు వెలిగించి, నూనె దానం చేయడం శుభ ఫలితాలను ఇస్తుంది.
నలుపు రంగు శనీశ్వరుడికి సంబంధించినది. అందుకే నలుపు రంగు దుస్తులు లేదా ఇతర వస్తువులను కొనుగోలు చేయడం అశుభాన్ని సూచిస్తుంది.
శనివారం ఉప్పు కొనుగోలు చేయడం వల్ల ఇంట్లో రుణాలు (అప్పులు) పెరుగుతాయని, ఆర్థిక సంక్షోభం ఏర్పడుతుందని జ్యోతిష్య నిపుణులు చెబుతారు.
శనివారం రోజున తోలుతో చేసిన వస్తువులు (పర్సులు, బెల్టులు) లేదా కొత్త చెప్పులు కొనుగోలు చేయకూడదు. ఇలా చేయడం వల్ల పనుల్లో ఆటంకాలు ఏర్పడతాయని, అదృష్టం దూరం అవుతుందని నమ్ముతారు.
శని దేవుడి అనుగ్రహం పొందాలంటే ఈ రోజున నిరుపేదలకు నలుపు రంగు బట్టలు, నూనె, నువ్వులు లేదా నల్లని పప్పు ధాన్యాలను దానం చేయడం, హనుమంతుడిని పూజించడం, శనీశ్వరుడి ఆలయాలను సందర్శించడం శ్రేయస్కరం.
