Saturn Retrograde Begins on July 27: జూలై 27 నుంచి శని వక్రీకరణ: ఈ 5 రాశుల వారికి పెరగనున్న కష్టాలు.. తగ్గించే పరిహారాలివే..

Saturn Retrograde Begins on July 27: జ్యోతిష్య శాస్త్రంలో శని దేవుడిని న్యాయాధిపతిగా, కర్మఫల ప్రదాతగా భావిస్తారు. శని దేవుడి కదలికల్లో మార్పు వచ్చినప్పుడల్లా 12 రాశుల వారి జీవితాల్లో ఏదో ఒక ప్రభావం కనిపిస్తుంది. వైదిక పంచాంగం ప్రకారం.. జూలై 27 నుంచి శని దేవుడు వక్ర మార్గంలో పయనించనున్నాడు. దాదాపు 138 రోజుల పాటు శని వక్రీ స్థితిలోనే ఉంటాడు.

శని వక్ర కదలిక వల్ల కొన్ని రాశుల వారికి శుభ ఫలితాలు అందినప్పటికీ, మరికొన్ని రాశుల వారు ఆర్థిక, ఆరోగ్య, వృత్తిపరమైన సమస్యలను ఎదుర్కొనే అవకాశముంది. శని వక్రీకరణ ప్రభావం వల్ల ఏ ఏ రాశుల వారు జాగ్రత్తగా ఉండాలి? శని కోపం నుంచి ఉపశమనం పొందడానికి పాటించాల్సిన పరిహారాలు ఏమిటో చూద్దాం.

శని వక్రీకరణతో ఇబ్బందులు ఎదుర్కొనే 5 రాశులు:

మీన రాశి

మీన రాశిలోనే శని వక్రీ భ్రమణం జరుగుతున్నందున, ఈ రాశి వారికి మానసిక ఒత్తిడి, ఆరోగ్య సమస్యలు పెరిగే అవకాశముంది. కెరీర్ సంబంధిత నిర్ణయాల్లో అనుభవం, ఓర్పు అవసరం. ఉద్యోగంలో ఒత్తిడి, ఆర్థిక వ్యవహారాల్లో ఒడిదుడుకులు రావచ్చు. తొందరపడి పెట్టుబడులు పెట్టకూడదు.

కన్యా రాశి

వ్యాపార భాగస్వామ్యాలు, ఒప్పందాలలో కన్యా రాశి వారు చాలా జాగ్రత్తగా ఉండాలి. వ్యాపార భాగస్వాములతో లేదా వైవాహిక జీవితంలో విభేదాలు రావచ్చు. ప్రతి లీగల్ డాక్యుమెంట్‌ను పూర్తిగా చదివిన తర్వాతే సంతకం చేయాలి. మాటల విషయంలో సంయమనం వహించడం శ్రేయస్కరం.

మిథున రాశి

ఉద్యోగంలో పని ఒత్తిడి, బాధ్యతలు పెరుగుతాయి. ఆఫీసులో శ్రమకు తగిన గుర్తింపు లభించడంలో ఆలస్యం కావచ్చు. షార్ట్‌కట్‌ల వైపు వెళ్లకుండా కష్టపడి పనిచేయడం వల్ల దీర్ఘకాలంలో మంచి ఫలితాలు ఉంటాయి. ఆర్థిక విషయంలో పక్కా ప్రణాళిక అవసరం.

ధనూ రాశి

కుటుంబ బాధ్యతలు, ఆస్తి సంబంధిత వ్యవహారాలు ఒత్తిడికి కారణం కావచ్చు. రియల్ ఎస్టేట్ లేదా ఆస్తుల కొనుగోలులో ఆచితూచి నిర్ణయాలు తీసుకోవాలి. ఆర్థిక పొదుపుపై దృష్టి పెట్టడం, ఖర్చులను అదుపులో ఉంచుకోవడం చాలా ముఖ్యం.

సింహ రాశి

అనుకోని ఖర్చులు, రుణాలు, ఆరోగ్య సమస్యలు సింహ రాశి వారిని ఇబ్బంది పెట్టవచ్చు. రహస్య శత్రువుల పట్ల జాగ్రత్త వహించాలి. ఊహాజనిత పెట్టుబడులకు, రిస్క్ ఉండే ఆర్థిక నిర్ణయాలకు దూరంగా ఉండటం మంచిది.

శని దేవుని అనుగ్రహం కోసం చేయాల్సిన సులభ పరిహారాలు..

మంత్ర జపం: ప్రతి శనివారం శని మంత్రం ("ఓం శం శనైశ్చరాయ నమః") లేదా హనుమాన్ చాలీసా పఠించడం వల్ల తీవ్రత తగ్గుతుంది.

దానం:

శనివారం రోజున నల్ల నువ్వులు, ఆవనూనె, నల్లటి వస్త్రాలు లేదా ఇనుప వస్తువులను పేదలకు/అవసరంలో ఉన్నవారికి దానం చేయాలి.

దీపారాధన:

ప్రతి శనివారం సాయంత్రం రావి చెట్టు వద్ద లేదా శని దేవుని గుడిలో ఆవనూనెతో దీపం వెలిగించడం శుభకరం.

ప్రవర్తన:

వృద్ధులను, శ్రామికులను, పనివారిని గౌరవించాలి. నిరుపేదలకు సహాయం చేయడం వల్ల శనిదేవుని అనుగ్రహం లభిస్తుంది.