Triveni Yogas on September 8: సెప్టెంబర్ 8న త్రివేణి యోగాలు.. పరమశివుని పూజతో మారనున్న మీ జాతకం!

Triveni Yogas on September 8: జ్యోతిష్య శాస్త్రంలో కొన్ని రోజులు అత్యంత పవిత్రమైనవి, శక్తివంతమైనవిగా భావిస్తారు. అలాంటి ఒక అరుదైన, అద్భుతమైన రోజే సెప్టెంబర్ 8వ తేదీ.ఈ రోజున ఆకాశంలో ఒకేసారి మూడు అరుదైన యోగాలు రూపుదిద్దుకోబోతున్నాయి. ఈ త్రివేణి యోగాల ప్రభావంతో పరమశివుని ప్రత్యేక అనుగ్రహం కొన్ని రాశుల వారిపై ప్రసరించబోతోంది. ఫలితంగా వారి ఆర్థిక పరిస్థితుల్లో ఊహించని మార్పులు రాబోతున్నాయని జ్యోతిష్య పండితులు చెప్తున్నారు.ముఖ్యంగా, ఈ పవిత్రమైన రోజున శివుడిని భక్తిశ్రద్ధలతో పూజించడం వల్ల నవగ్రహ దోషాలు తొలగిపోయి, అష్టైశ్వర్యాలు సిద్ధిస్తాయని నమ్ముతారు.

శివుడి అనుగ్రహం కోసం ఏం చేయాలి?

ఈ రోజు ఉదయాన్నే స్నానం ముగించి, సమీపంలోని శివాలయానికి వెళ్లండి. పరమశివునికి మహాదేవునికి ప్రీతిపాత్రమైన అభిషేకం చేయించండి. ముఖ్యంగా బిల్వపత్రాలు (మారేడు దళాలు), పాలు , నీటితో అభిషేకం చేయడం వల్ల మీ ఇంట్లో ఉన్న నకారాత్మక శక్తి తొలగిపోతుంది.

అలాగే "ఓం నమః శివాయ" అనే పంచాక్షరీ మంత్రాన్ని 108 సార్లు జపించడం వల్ల మానసిక ప్రశాంతతతో పాటు, మీ పనుల్లో ఉన్న అడ్డంకులు తొలగిపోతాయి.

ఈ మూడు యోగాల కలయిక వల్ల వ్యాపారంలో లాభాలు రావడం, ఉద్యోగంలో ప్రమోషన్లు లభించడం, రావాల్సిన పాత బాకీలు వసూలు కావడం వంటి శుభ ఫలితాలు కలుగుతాయి. ఆర్థిక ఇబ్బందులతో సతమతమవుతున్న వారికి ఇది ఒక రకంగా మహత్తరమైన రోజనే చెప్పాలి.