Tuesday Hanuman Puja: మంగళవారం హనుమాన్ పూజ.. కష్టాల నుండి విముక్తి కలగాలంటే ఈ తప్పులు అస్సలు చేయకండి..
కష్టాల నుండి విముక్తి కలగాలంటే ఈ తప్పులు అస్సలు చేయకండి..
Tuesday Hanuman Puja: హిందూ ధర్మశాస్త్రాల ప్రకారం వారంలోని ఏడు రోజులూ ఒక్కో దేవతకు అంకితం చేయబడ్డాయి. అందులో మంగళవారం శ్రీరామ బంటు, కలియుగ దైవం అయిన హనుమంతుడికి అత్యంత ప్రీతికరమైన రోజు. ఈ రోజున బజరంగబలిని భక్తిశ్రద్ధలతో కొలిచే భక్తులకు అసాధ్యమైనది ఏదీ ఉండదని పండితులు చెబుతుంటారు.
మంగళవారమే ఎందుకు ప్రత్యేకం?
పురాణాల ప్రకారం ఆంజనేయ స్వామి మంగళవారం నాడే జన్మించారు. అందుకే ఈ రోజున ఆయనను పూజించడం వల్ల రెట్టింపు ఫలితాలు లభిస్తాయి. జ్యోతిష్య శాస్త్రం ప్రకారం. కుజ దోషం ఉన్నవారు ఈ రోజున హనుమంతుడిని ఆరాధించడం వల్ల జాతకంలోని దోషాలు తొలగిపోయి, జీవితంలో సుఖసంతోషాలు వెల్లివిరుస్తాయి. భయం, ఆందోళనలతో సతమతమయ్యే వారు హనుమన్నామ స్మరణ చేస్తే మానసిక ధైర్యం లభిస్తుంది.
ఉపవాస నియమాలు.. ఈ జాగ్రత్తలు తప్పనిసరి..
మంగళవారం ఉపవాసం ఉండేవారు కొన్ని నియమాలను కచ్చితంగా పాటించాలని ఆధ్యాత్మిక నిపుణులు సూచిస్తున్నారు..
ఉప్పుకు దూరంగా: ఉపవాసం పాటించే సమయంలో ఉప్పును పూర్తిగా మానుకోవాలి. దీనివల్ల మనస్సుపై నియంత్రణ లభిస్తుంది.
వస్త్రధారణ: పూజ సమయంలో నలుపు లేదా తెలుపు రంగు దుస్తులు ధరించకూడదు. హనుమంతుడికి ఇష్టమైన ఎరుపు రంగు దుస్తులు ధరించడం వల్ల సానుకూల శక్తి లభిస్తుంది.
మిఠాయిల దానం: మీరు ఇతరులకు ప్రసాదంగా లేదా దానంగా ఇచ్చే మిఠాయిలను మీరు మాత్రం తినకూడదు. ఇది మీ ఉపవాస దీక్షకు భంగం కలిగిస్తుంది.
సాత్విక ఆహారం: ఉపవాస కాలంలో రోజుకు ఒక్కసారి మాత్రమే సాత్విక ఆహారం తీసుకోవాలి. మద్యం, మాంసాహారానికి ఖచ్చితంగా దూరంగా ఉండాలి.
పరిశుభ్రత మరియు ఏకాగ్రత:
కేవలం శారీరక శుద్ధే కాకుండా, మనస్సును ప్రశాంతంగా ఉంచుకుని ఏకాగ్రతతో హనుమాన్ చాలీసా లేదా సుందరకాండ పఠించడం మంచిది.
లభించే ఫలితాలు:
భక్తిశ్రద్ధలతో మంగళవారం పూజలు చేసే వారికి కార్యసిద్ధి కలుగుతుంది. శని దోషం ఉన్నవారికి కూడా హనుమత్ ఆరాధన ఉపశమనాన్ని ఇస్తుంది. ఆపదల్లో ఉన్నప్పుడు ఆంజనేయుడిని స్మరిస్తే ఆయన అభయ హస్తం తోడుగా ఉంటుందని భక్తుల ప్రగాఢ విశ్వాసం.
