Color Clothes Should You Wear for Diwali: దీపావళికి ఏ రంగు దుస్తులు ధరించాలి..?

Color Clothes Should You Wear for Diwali: హిందువులకు అత్యంత ముఖ్యమైన పండుగ అయిన దీపావళి రోజున, లక్ష్మీదేవి, గణేశుడిని పూజించడం ఆచారం. దీపావళి రాత్రి లక్ష్మీదేవి భూమిపైకి వచ్చి భక్తులను ఆశీర్వదిస్తుందని నమ్మకం. అయితే పూజ సమయంలో ధరించే దుస్తుల రంగు లక్ష్మీదేవి అనుగ్రహాన్ని పొందడంలో ముఖ్యపాత్ర పోషిస్తుందని జ్యోతిష్య నిపుణులు చెబుతున్నారు.

లక్ష్మీదేవికి ఇష్టమైన శుభ రంగులు:

దీపావళి రోజున కొన్ని రంగుల దుస్తులు ధరించడం వల్ల సానుకూల శక్తి, అదృష్టం, శ్రేయస్సు లభిస్తాయని నమ్ముతారు.

పసుపు/బంగారు రంగు:

పసుపు, బంగారు రంగులు లక్ష్మీదేవికి అత్యంత ఇష్టమైనవిగా పరిగణిస్తారు. ఈ రంగులు ప్రకాశం, విజయం మరియు సంపదను సూచిస్తాయి. పూజ సమయంలో ఈ రంగులు ధరిస్తే ఇంటికి సానుకూల శక్తి, శ్రేయస్సు లభిస్తుంది.

ఎరుపు రంగు: ఎరుపు రంగు దైవిక శక్తికి, అదృష్టానికి ప్రతీక. ఎరుపు రంగు చీర లేదా కుర్తా ధరించడం వల్ల లక్ష్మీదేవి ఆశీర్వాదాలు లభిస్తాయి. ఇది ఆత్మవిశ్వాసం మరియు బలాన్ని పెంచుతుంది.

ఆకుపచ్చ రంగు: ఆకుపచ్చ రంగు వృద్ధి, పురోగతి మరియు స్థిరత్వాన్ని సూచిస్తుంది. దీపావళి రాత్రి ఆకుపచ్చ దుస్తులు ధరించడం వల్ల వ్యాపారంలో పెరుగుదల, జ్ఞానం, ఆర్థిక పరిస్థితి బలోపేతం అవుతాయి.

లేత నీలం రంగు: నీలం స్థిరత్వం, నిజాయితీ, మనశ్శాంతిని సూచిస్తుంది. లేత నీలం రంగు ధరించడం ప్రతికూల శక్తిని దూరం చేసి, మనశ్శాంతిని అందిస్తుంది.

తెలుపు రంగు: తెలుపు రంగు శాంతి, స్వచ్ఛత మరియు చంద్రుడితో సంబంధం కలిగి ఉంటుంది. ఈ రంగు మానసిక ప్రశాంతతను, ఆధ్యాత్మిక శక్తిని పెంచుతుంది.

పొరపాటున కూడా ధరించకూడని రంగు:

నలుపు రంగు: ఏదైనా శుభకార్యానికి ముఖ్యంగా లక్ష్మీదేవి పూజ సమయంలో నలుపు రంగు దుస్తులు ధరించడం అశుభమని భావిస్తారు. నలుపు రంగు విచారం, ప్రతికూలతకు చిహ్నంగా పరిగణించబడుతుంది, కాబట్టి దీనిని ఖచ్చితంగా నివారించాలి. పాత లేదా చిరిగిన బట్టలకు బదులుగా పండుగ రోజున ఎప్పుడూ కొత్త, శుభ్రమైన, మెరిసే దుస్తులను ధరించాలని జ్యోతిష్యులు సూచిస్తున్నారు.