The Significance of Vibhuti: విభూతి విశిష్టత ఏంటి.? విభూతి ధరిస్తే అంత శక్తి వస్తుందా.?
విభూతి ధరిస్తే అంత శక్తి వస్తుందా.?
The Significance of Vibhuti: హిందూ సంస్కృతిలో విభూతి (Vibhuti) లేదా పవిత్ర భస్మం యొక్క గొప్ప మహిమ, ఆధ్యాత్మిక,ఆరోగ్యపరమైనది. సాక్షాత్తూ ఆ శివుడి ప్రసాదం అయిన విభూతికి నిజంగానే అంత శక్తి ఉందని నమ్ముతారు. విభూతి ధరిస్తే.. శివుని కృపకు పాత్రులవుతారని, ఆయుష్షు పెరుగుతుందని నమ్మకం
ఆధ్యాత్మిక,పౌరాణిక మహిమ
విభూతి అనేది ముఖ్యంగా పరమ శివుడికి సంబంధించినదిగా భావిస్తారు. ఇది అనేక రకాలుగా పూజించబడుతుంది. శివుడు తన శరీరం అంతా భస్మాన్ని ధరిస్తాడు. దీనిని భస్మధారి అని పిలుస్తారు. విభూతిని ధరించడం అంటే శివుడిని ధరించినట్లే అని భక్తులు నమ్ముతారు.
విభూతి అనేది వస్తువుల నశ్వరతను సూచిస్తుంది. జీవితంలో ఏదీ శాశ్వతం కాదని, అంతిమ సత్యం కేవలం బూడిదే (భస్మమే) అని ఇది గుర్తు చేస్తుంది. దీనిని ధరించడం వల్ల మనిషిలో వైరాగ్యం,అహంకారం తగ్గుతాయని నమ్ముతారు.విభూతిని నుదుటిపై లేదా దేహంపై ధరిస్తే, అది చేసిన పాపాలను హరించి, దైవిక శక్తిని ఆకర్షిస్తుందని చెబుతారు. కేవలం ఆవు పేడతో సంప్రదాయ పద్ధతిలో తయారు చేయబడిన విభూతి అత్యంత పవిత్రమైనదిగా, దైవిక శక్తిని నింపుకోగలదని భావిస్తారు.
శక్తి, రక్షణ
నుదురు, మెడ, ఛాతీ వంటి ముఖ్యమైన ప్రదేశాలలో విభూతి ధరించడం వలన దేహంలో ఉన్న శక్తి కేంద్రాలు (చక్రాలు) ప్రేరేపించబడి, ఏకాగ్రత, ఆధ్యాత్మిక సాధన పెరుగుతాయని యోగా శాస్త్రం చెబుతుంది. విభూతి ఒక రక్షణ కవచం లాగా పనిచేసి, చెడు దృష్టి, దుష్ట శక్తులు లేదా ప్రతికూల తరంగాలు దేహంలోకి ప్రవేశించకుండా అడ్డుకుంటుందని నమ్ముతారు.
ఆరోగ్యపరమైన , వైజ్ఞానిక లాభాలు
విభూతి (భస్మం) మంచి శోషక లక్షణాలను కలిగి ఉంటుంది. ముఖ్యంగా నుదురు ప్రాంతంలో ధరించడం వలన అధిక తేమ లేదా చెమటను గ్రహించి, చర్మాన్ని పొడిగా ఉంచుతుంది.నుదుటిపై విభూతి పెట్టుకోవడం వలన వేసవిలో శరీర ఉష్ణోగ్రత సమతుల్యంగా ఉండటానికి సహాయపడుతుందని కొంతమంది విశ్వసిస్తారు.
సంప్రదాయ పద్ధతిలో తయారైన భస్మానికి కొన్ని యాంటీ-మైక్రోబయల్ లక్షణాలు ఉండే అవకాశం ఉంది.సాధారణంగా శివభక్తులు విభూతిని మూడు అడ్డరేఖలుగా (త్రిపుండ్రం) నుదుటిపై, ఛాతీపై, మెడపై, భుజాలపై, చేతులపై ధరిస్తారు.
