Holi Festival: హోలీ పండుగను ఎప్పుడు జరుపుకోవాలన్న దానిపై సామాన్యుల్లోనే కాదు, పండితుల్లోనూ కొంత సందిగ్ధత నెలకొంది. దీనికి ప్రధాన కారణం ఈ ఏడాది హోలీ (మార్చి 3) రోజే చంద్రగ్రహణం రావడం. పంచాంగం,జ్యోతిష్య నిపుణుల విశ్లేషణ ప్రకారం చంద్రగ్రహణం మార్చి 3, మధ్యాహ్నం 03:20 నుండి సాయంత్రం 06:47 వరకు (భారతదేశంలో కనిపిస్తుంది).
హోలీ ఎపుడు.?
జ్యోతిష్య శాస్త్రం ప్రకారం, గ్రహణం ఉన్న సమయంలో గ్రహణానికి ముందు ఉండే 'సూతక కాలం'లో ఎలాంటి శుభ కార్యాలు లేదా వేడుకలు నిర్వహించకూడదు. అందుకే పండితులు ఈ క్రింది విధంగా సూచిస్తున్నారు.
హోలికా దహనం (కామ దహనం) దీనిని మార్చి 2 (సోమవారం) అర్ధరాత్రి లేదా మార్చి 3 తెల్లవారుజామున (భద్ర కాలం ముగిసిన తర్వాత) నిర్వహించుకోవాలి. కొన్ని ప్రాంతాల్లో మార్చి 3 రాత్రి కూడా జరుపుకుంటారు.
రంగుల హోలీ (ధులండి): ప్రధానంగా రంగులు ఆడుకునే పండుగను మార్చి 4, బుధవారం నాడు జరుపుకోవాలని మెజారిటీ పండితులు, పంచాంగకర్తలు స్పష్టం చేస్తున్నారు.
మార్చి 3న గ్రహణం ఉండటం వల్ల ఆ రోజంతా సూతక నియమాలు పాటిస్తారు. గ్రహణ మోక్షం (ముగింపు) తర్వాతే పండుగ వాతావరణం మొదలవుతుంది. కాబట్టి, సూర్యోదయ తిథి మరియు గ్రహణ ప్రభావం లేని రోజైన మార్చి 4నే అధికారికంగా హోలీ వేడుకలు జరుపుకోవడం ఉత్తమం. మీ ప్రాంతంలోని స్థానిక దేవాలయ పండితులు లేదా మీరు అనుసరించే పురోహితులు సూచించిన సమయాన్ని ఒకసారి సరిచూసుకోవడం మంచిది, ఎందుకంటే ప్రాంతీయంగా తిథి లెక్కల్లో స్వల్ప మార్పులు ఉండవచ్చు.
