Rudrabhishekam: ఈ శ్రావణ మాసంలో ఏ రోజు రుద్రాభిషేకం చేయాలి?

Rudrabhishekam: పవిత్రమైన శ్రావణ మాసంలో భోలేనాథుడిని ప్రసన్నం చేసుకోవడానికి రుద్రాభిషేకం చేయడం అత్యంత శ్రేయస్కరంగా భావిస్తారు. అయితే ఈ సావన్ 2026లో రుద్రాభిషేకం చేయడానికి ఏ రోజులు ఉత్తమమైనవి? అలాగే అభిషేకం చేసే ముందు 'శివవాస్' చూడడం ఎంతవరకు ముఖ్యం? ఈ విషయాల గురించి ఇప్పుడు పూర్తిగా తెలుసుకుందాం.

శ్రావణ మాసంలో ఉత్తమ తేదీలు

శ్రావణ మాసంలో వచ్చే ప్రతి సోమవారం,ప్రత్యేక పర్వదినాలు అభిషేకానికి మహా శక్తివంతమైనవి.

ఆగస్టు 10 ,ఆగస్టు 17: వరుసగా రెండు, మూడవ సోమవారాలు. ప్రత్యేకించి ఆగస్టు 17న సోమవారంతో పాటు నాగ పంచమి కూడా రావడం అత్యంత అరుదైన, పవిత్రమైన యోగం.

ఆగస్టు 11, 2026: సావన్ శివరాత్రి (మాసిక శివరాత్రి). ఈ రోజు చేసే రుద్రాభిషేకం సకల పాపాలను హరిస్తుంది.

అలాగే ఆగస్టు 24 నాల్గవ సోమవారం,ఆగస్టు 28 శ్రావణ పౌర్ణమి / రక్షాబంధన్ రోజున కూడా అభిషేకాలు జరపడం చాలా మంచిది."

చాలా మందికి వచ్చే సందేహం ఏమిటంటే... రుద్రాభిషేకం చేసేటప్పుడు 'శివవాస్' చూడడం తప్పనిసరా?

జ్యోతిష్య శాస్త్రం ప్రకారం, శివవాస్ అనేది పరమశివుడు ఏ సమయంలో ఎక్కడ నివసిస్తాడు (ఉదాహరణకు నందిపై, కైలాసంలో లేదా పార్వతీదేవితో) అనేదానిని సూచిస్తుంది. శివుడు భూమిపై లేదా పూజను స్వీకరించే స్థితిలో ఉన్న సమయంలో అభిషేకం చేస్తేనే పూర్తి ఫలితం లభిస్తుందని నమ్ముతారు. ఒకవేళ పొరపాటున శివుడు వేరే స్థితిలో ఉన్నప్పుడు సాధారణ పూజలు చేస్తే అనుకున్న ఫలితం దక్కకపోవచ్చు.

అయితే, శ్రావణ మాసమంతా సోమవారాలు, శివరాత్రి వంటి విశేష పర్వదినాలు స్వయంగా అత్యంత పవిత్రమైనవిగా పరిగణించబడతాయి కాబట్టి, ఈ రోజుల్లో పెద్దగా శివవాస్‌తో పనిలేకుండా నేరుగా అభిషేకం చేసుకోవచ్చు. అయినప్పటికీ, ప్రత్యేక సంకల్పంతో, కచ్చితమైన నియమాలతో పూజ చేయాలనుకునేవారు మాత్రం మంచి ముహూర్తం మరియు శివవాస్ చూసుకుని చేయడం ఉత్తమం.