Lord Ganesha: గణేషుడిని లంబోదరుడు అని పిలవడానికి గల కారణం ఆయన పొట్ట (ఉదరం) పెద్దగా ఉండటం. సంస్కృతంలో 'లంబ' అంటే పెద్దది లేదా పొడవైనది, 'ఉదర' అంటే పొట్ట. ఈ రెండు పదాలు కలిపి లంబోదరుడు అనే పేరు వచ్చింది. గణేషుడు లంబోదరుడు కావడానికి అనేక ఆధ్యాత్మిక అర్థాలు ఉన్నాయి. ఆయన పెద్ద పొట్ట సమస్త బ్రహ్మాండం లేదా విశ్వాన్ని తనలోనే ఇముడ్చుకున్నాడని చెబుతారు. ఇది ఆయన సర్వవ్యాపకత్వాన్ని సూచిస్తుంది. గణేషుడు విజ్ఞానానికి, తెలివితేటలకు అధిపతి. ఆయన పెద్ద పొట్ట జ్ఞానాన్ని, అనుభవాలను, మరియు అన్ని రకాల మంచి, చెడు విషయాలను జీర్ణించుకొని నిలుపుకోగల సామర్థ్యాన్ని సూచిస్తుంది. పెద్ద పొట్ట ఓర్పు, సహనానికి ప్రతీక. ఎటువంటి కష్టాలనైనా, కఠినమైన పరిస్థితులనైనా తట్టుకోగల శక్తిని ఇది సూచిస్తుంది. గణేషుడు భక్తులు సమర్పించే ప్రసాదాలను, ముఖ్యంగా లడ్డూలను, ఎంతో ఇష్టంగా స్వీకరిస్తాడు. ఆయన పెద్ద పొట్ట భక్తుల ప్రేమను, భక్తిని నిస్వార్థంగా స్వీకరించే ఆయన గొప్ప గుణాన్ని తెలియజేస్తుంది. వినాయకుడికి ఉన్న పేర్లలో ఎంతో ముఖ్యమైన పేరు గణేషుడు. అయితే గణేషుడికి ఈ పేరు తల్లి పార్వతీ మాత నుంచి వచ్చింది. పురాణాల ప్రకారం.. పార్వతీదేవి తన దివ్య శక్తులతో వినాయకుడిని సృష్టించింది. అయితే ఆమె ఒకసారి స్నానానికి వెళుతున్నప్పుడు పసుపు పొడితో ఒక బొమ్మను తయారుచేస్తుంది. అయితే ఈ బొమ్మకు అతను ప్రాణం పోస్తాడు. దీంతో నువ్వు వీరుడివి అవుతారని పార్వతీదేవి చెప్పిందట. అందుకే ఈ దేవుడికి గణేష్ అనే పేరు పెట్టిందని పురాణాలు వెల్లడిస్తున్నాయి.
