Avoid Sleeping with Your Head Towards the North: ఉత్తరం వైపు తల పెట్టి ఎందుకు నిద్రించకూడదు..?

Avoid Sleeping with Your Head Towards the North: హిందూ సంప్రదాయంలో నిద్రించే దిశకు సంబంధించి కొన్ని ప్రత్యేక నియమాలు ఉన్నాయి. సాధారణంగా పెద్దలు ఉత్తరం వైపు తల పెట్టి నిద్రించకూడదు అని సలహా ఇస్తారు. దీనికి కేవలం మతపరమైన నమ్మకాలు మాత్రమే కాకుండా, శాస్త్రం కూడా బలమైన కారణాలను చూపుతోంది.

మత విశ్వాసాల ప్రకారం

మత విశ్వాసాల ప్రకారం.. ఉత్తర దిశ యమదూత ప్రయాణించే మార్గంగా నమ్ముతారు. కాబట్టి ఆ దిశ వైపు తల పెట్టి నిద్రిస్తే మరణం లేదా అశుభం సంభవిస్తుందని భావిస్తారు. ఈ నమ్మకం వెనుక లోతైన ఆధ్యాత్మిక, ఆచారపరమైన కారణాలు ఉన్నాయి.

సైన్స్ - అయస్కాంత ప్రభావం

ఆశ్చర్యకరంగా నిద్ర దిశ గురించి హిందూ సంప్రదాయంలో ఉన్న ఈ నియమాన్ని సైన్స్ కూడా సమర్థిస్తుంది. భూమి యొక్క అయస్కాంత క్షేత్రం నిరంతరం దక్షిణం నుండి ఉత్తరం వైపుకు ప్రవహిస్తుంది.

శరీరంపై ప్రభావం: మన శరీరం కూడా ఒక అయస్కాంత క్షేత్రంలా పనిచేస్తుంది. ఉత్తరం వైపు తల ఉంచి నిద్రించినప్పుడు, శరీర అయస్కాంత క్షేత్రం, భూ అయస్కాంత క్షేత్రం ఒకదానికొకటి ప్రతికూలంగా ప్రభావితం చేసుకుంటాయి.

రక్త ప్రసరణ: రక్తంలోని ఐరన్ ఉత్తర దిశకు ఎక్కువగా ఆకర్షితమవుతుంది. తల ఉత్తరం వైపు ఉన్నప్పుడు ఈ అయస్కాంత ఆకర్షణ కారణంగా మెదడుకు రక్త ప్రవాహం పెరుగుతుంది.

ఆరోగ్య సమస్యల ముప్పు

మెదడుకు రక్త ప్రవాహం పెరగడం వల్ల గుండెపై ఒత్తిడి పెరుగుతుందని సైన్స్ చెబుతోంది. ఇది ముఖ్యంగా గుండె సంబంధిత సమస్యలు లేదా అధిక రక్తపోటు ఉన్నవారికి ప్రమాదాన్ని పెంచుతుంది.

నిద్ర నాణ్యత: ఉత్తర దిశలో నిద్రపోవడం వల్ల నిద్ర నాణ్యత దెబ్బతింటుంది. ఇది సరిగ్గా నిద్ర లేకపోవడానికి తలనొప్పి, తలతిరుగుటకు కూడా కారణమవుతుంది.

అందువల్ల హిందూ మతం, సైన్స్ రెండూ ఉత్తరం వైపు తల పెట్టి నిద్రించడాన్ని నివారించాలని సూచిస్తున్నాయి. ఉత్తమ నిద్ర, ఆరోగ్యం కోసం దక్షిణ దిశ వైపు లేదా తూర్పు దిశ వైపు తల పెట్టి నిద్రించడం మంచిదని నిపుణులు సలహా ఇస్తున్నారు.