Education:విద్యార్థి జీవితంలో స్వయంగా చదివే అలవాటు అనేది ఒక విలువైన పద్ధతి. తరగతుల్లో ఉపాధ్యాయులు బోధించే అంశాలపై మరింతగా లోతుగా అర్థం చేసుకోవడానికి స్వాధ్యాయమే మూలధనం. ఇది మన ఆలోచన శక్తిని పెంచుతుంది, సృజనాత్మకతను ప్రేరేపిస్తుంది.
స్వాధ్యాయం ద్వారా విద్యార్థి తనకు తానే గురు అవుతాడు. తరగతిలో బోధించిన పాఠాలను పునరావృతం చేస్తూ అదనపు సమాచారం కోసం పుస్తకాలు, ఆన్లైన్ వనరులు, డిజిటల్ కోర్సులు వాడటం వల్ల విద్యలో లోతైన అవగాహన ఏర్పడుతుంది ఇది ఏకకాలంలో శ్రమను తగ్గించడమే కాక పరీక్షల్లో ఎక్కువ మార్కులు సాధించడానికి కూడా దోహదపడుతుంది.
తనంతట తానే చదవడం వల్ల పట్టణ అలవాటు పెరుగుతుంది. అభిప్రాయాలు ఏర్పాటు చేసుకోవడం,సమస్యలను విశ్లేషించడం వంటి నైపుణ్యాలు అభివృద్ధి చెందుతాయి. పట్టణాన్ని వ్యాస రూపంలో రాయడం ఇతరులకు వివరించడం వంటివి మెరుగవుతాయి.
ఒక్కొక్క విద్యార్థి దృష్టి కోణంలో తమకు నచ్చిన మార్గాలు ఉంటాయి. కొంతమంది పుస్తకాల ద్వారా నేర్చుకుంటారు, మరికొంతమంది వీడియోల ద్వారా. స్వాధ్యాయానికి నిబంధనలు ఉండవు. విద్యార్థికి సౌకర్యంగా ఉన్న పద్ధతిని ఎంచుకోవచ్చు. ఉదాహరణకు పాఠశాల తరువాత రోజుకు ఒక గంట కేటాయించడం వీకెండ్ లో సమీక్షలు చేయడం వంటివి ప్రభావవంతంగా పనిచేస్తాయి.
ఈ అలవాటు విద్యార్థిని పూర్తిస్థాయి వ్యక్తిగా తయారు చేస్తుంది చిత్తశుద్ధి, క్రమశిక్షణ, జవాబుదారీతనం వంటి విలువలు పెరుగుతాయి. స్వాధ్యాయం అనే సాధనాన్ని ఉపయోగించి విద్యార్థులు నేటి పోటీ ప్రపంచంలో ముందంజ వేయగలరు.
