Harm Your Kidneys: అలర్ట్: మీ ఈ చిన్న తప్పులే కిడ్నీలకు శాపం.. వెంటనే ఇలా చేయండి..

Harm Your Kidneys: శరీరాన్ని శుద్ధి చేసే ఫిల్టర్లు మూత్రపిండాలు. రక్తాన్ని వడపోయడం, వ్యర్థాలను బయటకు పంపడం, రక్తపోటును అదుపులో ఉంచడం వంటి ఎన్నో కీలక పనులు ఇవి చేస్తాయి. అయితే మనం చేసే కొన్ని రోజువారీ తప్పులు ఈ సున్నితమైన అవయవాలను సైలెంట్‌గా దెబ్బతీస్తున్నాయి. కిడ్నీలు ఫెయిల్ అయ్యే వరకు చాలా మందికి ఆ విషయం తెలియదు. అందుకే మీ కిడ్నీల ఆరోగ్యం కోసం ఈ 5 ప్రమాదకరమైన అలవాట్లకు ఇప్పుడే స్వస్తి చెప్పండి..

నీరు తక్కువగా తాగుతున్నారా?

రోజంతా తగినంత నీరు తాగకపోవడం వల్ల శరీరంలో విషతుల్యాలు పేరుకుపోతాయి. దీనివల్ల కిడ్నీలు వడపోత కోసం ఎక్కువ కష్టపడాల్సి వస్తుంది. ఫలితంగా కిడ్నీలో రాళ్లు, ఇన్ఫెక్షన్లు వచ్చే అవకాశం 80శాతం పెరుగుతుంది.

ఉప్పు ఎక్కువైతే కిడ్నీలకు ముప్పే..

ఆహారంలో ఉప్పు అధికంగా తీసుకుంటే రక్తపోటు పెరుగుతుంది. ఈ అధిక రక్తపోటు కిడ్నీల్లోని సన్నని రక్తనాళాలను దెబ్బతీస్తుంది. దీనివల్ల కిడ్నీ పనితీరు క్రమంగా క్షీణించి, అది శాశ్వత వైఫల్యానికి దారితీస్తుంది.

పెయిన్ కిల్లర్స్ వాడుతున్నారా?

చిన్న తలనొప్పి లేదా ఒళ్లు నొప్పులకు వైద్యుడి సలహా లేకుండా తరచూ నొప్పి నివారణ మందులు వాడటం కిడ్నీలకు మరణశాసనమే. ఈ మందులు కిడ్నీల వడపోత సామర్థ్యాన్ని నేరుగా దెబ్బతీస్తాయి.

ప్రాసెస్డ్ ఫుడ్ - షుగర్

చిప్స్, ఫ్రైడ్ ఫుడ్స్, చక్కెర ఎక్కువగా ఉండే డ్రింక్స్ తీసుకోవడం వల్ల ఊబకాయం, మధుమేహం వస్తాయి. ఈ రెండు వ్యాధులు కిడ్నీలపై విపరీతమైన ఒత్తిడిని కలిగించి క్రమంగా వాటిని నిర్వీర్యం చేస్తాయి.

మూత్రాన్ని ఆపుకోవడం మహా పాపం..

బిజీగా ఉండి చాలా సేపు మూత్రాన్ని ఆపుకోవడం వల్ల బ్లాడర్‌లో బ్యాక్టీరియా వేగంగా పెరుగుతుంది. ఇది యూరినరీ ట్రాక్ట్ ఇన్ఫెక్షన్ కి దారితీస్తుంది. పదేపదే ఇన్ఫెక్షన్లు రావడం వల్ల చివరికి కిడ్నీలు ఇన్ఫెక్ట్ అయ్యి తీవ్రమైన సమస్యలు ఎదురవుతాయి.