Crash Dieting to Lose Weight: బరువు తగ్గడానికి క్రాష్ డైటింగ్ చేస్తున్నారా.. టీబీ ముప్పు తప్పదా.?

Crash Dieting to Lose Weight: చాలా తక్కువ సమయంలో వేగంగా బరువు తగ్గాలని కోరుకునే నేటి యువత 'క్రాష్ డైటింగ్' లేదా కఠినమైన ఉపవాసాలను ఆశ్రయిస్తుంటారు. అయితే ఇలా ఏకపక్షంగా ఆహారాన్ని మానేయడం వల్ల అందం మాట దేవుడెరుగు, ప్రాణాలకే ప్రమాదకరమైన అనారోగ్యాలు చుట్టుముడతాయని ఆరోగ్య నిపుణులు తీవ్రంగా హెచ్చరిస్తున్నారు.

తాజా పరిశోధనల ప్రకారం, వేగంగా బరువు తగ్గడానికి ప్రయత్నించే యువతలో రోగనిరోధక శక్తి (Immunity) ఒక్కసారిగా పడిపోతుంది. శరీరానికి అవసరమైన పోషకాలు, విటమిన్లు , ప్రోటీన్లు అందకపోవడం వల్ల శరీర బలం క్షీణిస్తుంది. ఈ బలహీనమైన రోగనిరోధక వ్యవస్థ కారణంగా.. గాలి ద్వారా వ్యాపించే 'మైకోబాక్టీరియం ట్యుబర్‌క్యులోసిస్' (Mycobacterium Tuberculosis) బ్యాక్టీరియా సులభంగా శరీరంపై దాడి చేస్తుంది. ఫలితంగా, ప్రాణాంతకమైన క్షయ (టీబీ) వ్యాధి బారిన పడే ప్రమాదం గణనీయంగా పెరుగుతుందని వైద్యులు స్పష్టం చేస్తున్నారు.

మరి దీనికి పరిష్కారం ఏమిటి? బరువు తగ్గడం అనేది ఎప్పుడూ ఆరోగ్యకరమైన పద్ధతిలో జరగాలి. సవివరమైన పోషకాహారం, క్రమం తప్పని వ్యాయామం, సమతుల్య ఆహారపు అలవాట్లతో మాత్రమే బరువును నియంత్రించుకోవాలి. కేవలం కొన్ని కిలోలు తగ్గాలనే ఆశతో క్రాష్ డైట్స్ చేసి, రోగనిరోధక శక్తిని కోల్పోయి పెద్ద అనారోగ్యాలను కొనితెచ్చుకోకండి.