Store Chicken in the Fridge: చికెన్‌ను ఫ్రిజ్‌లో ఎంతసేపు ఉంచవచ్చు..? ఎక్కువ రోజులు ఉండాలంటే ఏంచేయాలి..?
ఎక్కువ రోజులు ఉండాలంటే ఏంచేయాలి..?
Store Chicken in the Fridge: మాంసం లేదా చేపలు సరిగ్గా నిల్వ చేయకపోతే త్వరగా పాడైపోయే ప్రమాదం ఉంటుంది. ఆరోగ్యం చాలా ముఖ్యం కాబట్టి మాంసం, చేపలు చెడిపోకుండా ఉండాలంటే సరైన పద్ధతులు పాటించాలి. ముఖ్యంగా పచ్చి చికెన్‌ను ఫ్రిజ్‌లో ఎంతసేపు ఉంచవచ్చు, ఎప్పుడు చెడిపోవడం మొదలవుతుందో తెలుసుకోవడం చాలా అవసరం.
ఫ్రిజ్ Vs. డీప్ ఫ్రీజర్: ఎంత కాలం ఉంచాలి..?
చికెన్‌ను నిల్వ చేసే విధానం, దానిని వాడుకునే సమయాన్ని బట్టి ఉంటుంది.
రిఫ్రిజిరేటర్‌లో:
చికెన్‌ను 1 నుండి 2 రోజులు మాత్రమే సురక్షితంగా నిల్వ చేయవచ్చు.
దీనిని తప్పనిసరిగా 48 గంటల్లోపు వండేయాలి.
ముక్కలుగా కత్తిరించిన లేదా ప్యాక్ చేసిన చికెన్‌ను ఎక్కువ రోజులు రిఫ్రిజిరేటర్‌లో ఉంచకపోవడం మంచిది.
డీప్ ఫ్రీజర్‌లో:
చికెన్‌ను ఎక్కువ రోజులు ఉంచాలంటే డీప్ ఫ్రీజర్‌లో నిల్వ చేయాలి.
క్లీన్ చేసిన కోడి 9 నుండి 12 నెలల వరకు తాజాగా ఉంటుంది.
చిన్న ముక్కలు డీప్ ఫ్రీజర్‌లో 6 నుండి 8 నెలల వరకు నిల్వ చేయవచ్చు.
ముఖ్య హెచ్చరిక: చల్లబడిన చికెన్‌ను తిరిగి ఫ్రీజ్ చేయవద్దు. ఇలా చేయడం వలన బ్యాక్టీరియా పెరుగుదల ప్రమాదం విపరీతంగా పెరుగుతుంది.
నిల్వ చిట్కాలు - శుభ్రత
చికెన్ నిల్వ విషయంలో శుభ్రత, భద్రత చాలా ముఖ్యం. లేదంటే ఇతర ఆహార పదార్థాలకు బ్యాక్టీరియా సులభంగా వ్యాపించవచ్చు.
గాలి చొరబడని కంటైనర్: చికెన్‌ను ఎల్లప్పుడూ గాలి చొరబడని కంటైనర్‌లో లేదా జిప్ లాక్ బ్యాగ్‌లో మాత్రమే నిల్వ చేయాలి.
ప్రత్యేక స్థలం: చికెన్‌ను నిల్వ చేయడానికి ఫ్రిజ్‌లో కూరగాయలు, పాలు, పెరుగు, పండ్ల నుండి వేరుగా ప్రత్యేక ప్రాంతం ఉండటం ఉత్తమం.
చెడిపోయిన చికెన్ సంకేతాలు
ముఖ్యంగా వేసవిలో చికెన్ త్వరగా చెడిపోతుంది. 1-2 గంటలు బయట ఉంచినా కూడా అది చెడిపోయే ప్రమాదం ఉంది. చెడిపోయిన చికెన్‌ను వండటం వలన తీవ్రమైన ఆరోగ్య సమస్యలు వస్తాయి.
చికెన్ చెడిపోయిందని తెలిపే సంకేతాలు:
దుర్వాసన: చికెన్ నుండి చెడు వాసన వస్తే అది చెడిపోయినట్లు మొదటి సంకేతం.
రంగు మార్పు: దాని రంగు బూడిద రంగు లేదా పసుపు రంగులోకి మారడం.
జిగటగా మారడం: చికెన్ పట్టుకోవడానికి జిగటగా మారడం.
ఈ సంకేతాలు గమనించినట్లయితే, ఆ చికెన్‌ను వెంటనే పారవేయడం శ్రేయస్కరం.
