Notice These Body Changes: మీ శరీరంలో ఈ మార్పులు కనిపిస్తే వెంటనే అలర్ట్ అవ్వండి

Notice These Body Changes: మనం తీసుకునే ప్రతి శ్వాస మన ప్రాణానికి ఆధారం. కానీ, మారుతున్న కాలంతో పాటు మనం పీల్చే గాలి కూడా విషతుల్యమవుతోంది. పెరిగిన కాలుష్యం, మారిన జీవనశైలి , కోవిడ్ అనంతర పరిణామాల వల్ల నేడు ఊపిరితిత్తుల వ్యాధులు చాపకింద నీరులా విస్తరిస్తున్నాయి. చాలామంది సాధారణ దగ్గు అని నిర్లక్ష్యం చేస్తారు, కానీ ఆ నిర్లక్ష్యం ప్రాణాలకే ముప్పు తెచ్చిపెట్టవచ్చు.

ప్రస్తుతం ఊపిరితిత్తులకు సంబంధించి ఎక్కువగా కనిపిస్తున్న సమస్యలు ఆస్తమా COPD. ఊపిరి పీల్చుకోవడం కష్టమవ్వడం, నడుస్తున్నప్పుడు ఆయాసం రావడం, గొంతులో గురక వంటివి వీటి ప్రధాన లక్షణాలు. వాయు కాలుష్యం దీనికి ప్రధాన కారణం. అంతేకాకుండా, ఊపిరితిత్తుల లోపల వాపు రావడం లేదా మచ్చలు ఏర్పడటం వల్ల శ్వాస తీసుకోవడం నరకప్రాయంగా మారుతుంది. ఇక అత్యంత ప్రమాదకరమైనది ఊపిరితిత్తుల క్యాన్సర్. దీనిని ఎంత త్వరగా గుర్తిస్తే, ప్రాణాలను కాపాడే అవకాశం అంత ఎక్కువగా ఉంటుంది.

కోవిడ్ మహమ్మారి తర్వాత ఊపిరితిత్తుల పనితీరు చాలామందిలో మందగించింది. న్యుమోనియా, క్షయ అంటే టీబీ వంటి ఇన్ఫెక్షన్లు ఊపిరితిత్తులను శాశ్వతంగా దెబ్బతీస్తున్నాయి. అందుకే, శ్వాసకోశ సమస్యలను ఎప్పుడూ తేలికగా తీసుకోకూడదు.

హెచ్చరిక సంకేతాలు

మీ శరీరంలో ఈ మార్పులు కనిపిస్తే వెంటనే అలర్ట్ అవ్వండి:

చాలా కాలంగా దగ్గు వస్తూ, మందులు వాడినా తగ్గకపోవడం.

చిన్న పని చేసినా లేదా కూర్చున్నప్పుడు కూడా విపరీతమైన ఆయాసం కలగడం.

శ్వాస తీసుకునేటప్పుడు ఛాతీలో ఈల వేసినట్లు శబ్దం రావడం.

మాటిమాటికీ జలుబు, ఇన్ఫెక్షన్లు రావడం మరియు ఛాతీలో బరువుగా అనిపించడం.

వీటన్నింటికంటే ముఖ్యంగా.. దగ్గినప్పుడు కఫంలో రక్తం పడటం చాలా తీవ్రమైన సంకేతం.