Pregnant Women: గర్భిణీలు కాల్షియం ఫుడ్ తినకపోతే ఈ సమస్యలు తప్పవు!

Pregnant Women: గర్భధారణ అనేది ప్రతి మహిళ జీవితంలో ఒక ముఖ్యమైన దశ. ఈ సమయంలో తల్లి, బిడ్డ ఇద్దరి ఆరోగ్యానికి పోషక ఆహారం చాలా అవసరం. ముఖ్యంగా తల్లి శరీరంలో కాల్షియం లోపం లేకుండా చూసుకోవడం ముఖ్యం. ఎందుకంటే గర్భంలో శిశువు ఎదుగుదలకు కాల్షియం కీలక పాత్ర పోషిస్తుంది. గర్భధారణ సమయంలో కాల్షియం ఎందుకు అవసరం, దాని లోపం వల్ల కలిగే సమస్యలేమిటో తెలుసుకుందాం.

కాల్షియం ఎందుకు అవసరం?

ఎముకలు బలహీనపడతాయి: గర్భం సమయంలో శిశువు ఎముకల అభివృద్ధికి కాల్షియం చాలా అవసరం. శిశువుకు అవసరమైన కాల్షియం తల్లి శరీరం నుంచే లభిస్తుంది. తల్లి శరీరంలో కాల్షియం లోపం ఉంటే, అది పుట్టబోయే బిడ్డ ఆరోగ్యంతో పాటు తల్లి ఎముకలను కూడా బలహీనపరుస్తుంది. దీనివల్ల భవిష్యత్తులో ఆస్టియోపోరోసిస్ వంటి వ్యాధులు వచ్చే ప్రమాదం పెరుగుతుంది.

శిశువు బలహీనత: కాల్షియం లోపం శిశువు ఎముకల సరైన అభివృద్ధికి ఆటంకం కలిగిస్తుంది. దీనివల్ల పుట్టిన తర్వాత శిశువు బలహీనంగా ఉండవచ్చు. అంతేకాకుండా, ఇది శిశువు గుండె, కండరాలు, నరాల అభివృద్ధిపై కూడా ప్రతికూల ప్రభావం చూపుతుంది.

కాల్షియం లోపం నివారణకు తీసుకోవాల్సిన ఆహారాలు

గర్భధారణ సమయంలో మహిళలకు రోజుకు 1000 నుండి 1200 mg కాల్షియం అవసరం. ఈ అవసరాన్ని తీర్చుకోవడానికి ఈ క్రింది ఆహారాలను తీసుకోవచ్చు:

పాలు, పెరుగు, జున్ను వంటి పాల ఉత్పత్తులు

ఆకుకూరలు

నువ్వులు

బాదం వంటి నట్స్‌

పైన పేర్కొన్న ఆహార పదార్థాల ద్వారా తగినంత కాల్షియం లభించకపోతే, వైద్యుని సలహా మేరకు కాల్షియం సప్లిమెంట్లను తీసుకోవచ్చు. గర్భధారణ సమయంలో సంపూర్ణ ఆరోగ్యానికి కాల్షియం అత్యంత ముఖ్యమైనదని గుర్తుంచుకోవాలి.