Silent Killer Cholesterol: సైలెంట్ కిల్లర్ కొలెస్ట్రాల్: పెరిగితే ముప్పే.. ఉండాల్సిన స్థాయిలివే!

Silent Killer Cholesterol: మారుతున్న జీవనశైలి, ఆహారపు అలవాట్ల వల్ల ఈ రోజుల్లో వయసుతో సంబంధం లేకుండా చాలామందిని వేధిస్తున్న సమస్య.. కొలెస్ట్రాల్. అసలు మన శరీరంలో మొత్తం కొలెస్ట్రాల్ స్థాయిలు ఎంత ఉండాలి? అది పెరిగితే ఎలాంటి ముప్పు పొంచి ఉందో ఇప్పుడు తెలుసుకుందాం.

కొలెస్ట్రాల్ స్థాయిలు ఎంత ఉండాలి?

సాధారణంగా కొలెస్ట్రాల్‌ను 'మిల్లీగ్రామ్స్ పర్ డెసిలీటర్' (mg/dL) లలో కొలుస్తారు. ఒక ఆరోగ్యకరమైన వ్యక్తిలోమొత్తం కొలెస్ట్రాల్ (Total Cholesterol): 200 mg/dL కంటే తక్కువగా ఉండాలి. ఒకవేళ ఇది 240 mg/dL దాటితే చాలా ప్రమాదం.

గుడ్ కొలెస్ట్రాల్ (HDL): ఇది శరీరానికి మంచిది. ఇది పురుషులలో 40 mg/dL, స్త్రీలలో 50 mg/dL కంటే ఎక్కువగా ఉండాలి.

బ్యాడ్ కొలెస్ట్రాల్ (LDL): ఇది గుండెకు శత్రువు. ఇది ఎప్పుడూ 100 mg/dL కంటే తక్కువగానే ఉండాలి.

అధిక కొలెస్ట్రాల్ వల్ల వచ్చే నష్టాలు

శరీరంలో బ్యాడ్ కొలెస్ట్రాల్ స్థాయిలు పెరిగితే అది రక్తనాళాల గోడల్లో పేరుకుపోతుంది. దీనివల్ల రక్తప్రసరణకు అడ్డంకులు ఏర్పడతాయి. దీనివల్ల వచ్చే ప్రధాన నష్టాలు ఏంటంటే.

హార్ట్ ఎటాక్: రక్తనాళాల్లో బ్లాక్స్ ఏర్పడి గుండెకు రక్తం అందనప్పుడు గుండెపోటు వచ్చే ప్రమాదం చాలా ఎక్కువ పెరుగుతుంది.

పక్షవాతం (Brain Stroke): మెదడుకు వెళ్లే రక్తనాళాలు పూడుకుపోతే బ్రెయిన్ స్ట్రోక్ లేదా పక్షవాతం వస్తుంది.

అధిక రక్తపోటు (High BP): రక్తనాళాలు ఇరుకుగా మారడం వల్ల గుండె రక్తాన్ని పంప్ చేయడానికి ఎక్కువ శ్రమించాల్సి వస్తుంది. దీనివల్ల బీపీ విపరీతంగా పెరుగుతుంది.

ఎలాంటి జాగ్రత్తలు తీసుకోవాలి?

కొలెస్ట్రాల్‌ను అదుపులో ఉంచుకోవడానికి జంక్ ఫుడ్స్, నూనె పదార్థాలకు దూరంగా ఉండాలి. ప్రతిరోజూ కనీసం 30 నిమిషాల పాటు వ్యాయామం లేదా వాకింగ్ చేయడం అలవాటు చేసుకోవాలి. పీచు పదార్థాలు ఎక్కువగా ఉండే కూరగాయలు, పండ్లను ఆహారంలో భాగం చేసుకోవాలి.ముప్పై ఏళ్లు దాటిన ప్రతి ఒక్కరు ఏడాదికి ఒక్కసారైనా లిపిడ్ ప్రొఫైల్ టెస్ట్ చేయించుకోవడం ఎంతో మంచిది.