Monsoon Diseases: వర్షాకాలం అంటే అనేక వ్యాధులు ప్రబలే కాలం. ఈ సమయంలో వివిధ అంటు వ్యాధులు, జలుబు వంటి సాధారణ అనారోగ్యాలు ఎక్కువగా కనిపిస్తాయి. అనారోగ్యం వచ్చిన తర్వాత చికిత్స తీసుకోవడం కంటే దానిని నివారించడం ఎల్లప్పుడూ మంచిది. దీనికోసం జాగ్రత్తలు తీసుకోవచ్చు.
వర్షాకాలంలో వ్యాధులు వ్యాప్తి చెందడానికి గల కారణాలు
వర్షాకాలంలో వాతావరణంలో మార్పులు వ్యాధికారక సూక్ష్మజీవుల పెరుగుదలకు అనుకూలంగా ఉంటాయి. అయితే కొన్ని నివారణ చర్యలు తీసుకుంటే, అనారోగ్యానికి గురికాకుండా వర్షాకాలాన్ని ఆనందించవచ్చని నిపుణులు అంటున్నారు. దీని కోసం, రోగనిరోధక శక్తిని పెంచడం సహా కొన్ని విషయాలను పరిగణనలోకి తీసుకోవాలి.
రోగనిరోధక శక్తిని పెంచడానికి
సిట్రస్ పండ్లు, క్యాప్సికమ్, కివి, స్ట్రాబెర్రీలు వంటి పండ్లను ఆహారంలో చేర్చుకోవచ్చు.
చిక్కుళ్ళు, గింజలు, ధాన్యాలు తినడం వల్ల మీ శరీరంలోకి ఎక్కువ జింక్ వస్తుంది.
మీరు ఎక్కువ విటమిన్ డి పొందడానికి సప్లిమెంట్లు లేదా ఇతర మార్గాలను ఉపయోగించవచ్చు.
పెరుగు వంటి ఆహారాలు పేగు ఆరోగ్యానికి మంచివి.
శరీరం నుండి విషాన్ని బయటకు పంపడానికి పుష్కలంగా నీరు త్రాగడం మంచిది.
అతి ముఖ్యమైన విషయం పరిశుభ్రత.
వర్షాకాలంలో సబ్బు, నీటితో తరచుగా చేతులు కడుక్కోవడం, శానిటైజర్ వాడటం, మీ పరిసరాలను శుభ్రంగా ఉంచుకోవడం చాలా ముఖ్యం.
ఆహారం వండేటప్పుడు
తేమతో కూడిన పరిస్థితులలో బ్యాక్టీరియా, వైరస్‌లు ఎక్కువగా వ్యాప్తిస్తాయి. కాబట్టి వీలైనంత వరకు బయటి నివారించండి.
వంట చేయడానికి ముందు అన్ని పండ్లు, కూరగాయలును బాగా కడగాలి.
వేడి ఆహారం తినడానికి ప్రయత్నించండి. ముఖ్యంగా సూప్‌లు శరీరాన్ని వెచ్చగా ఉంచడంలో, జీర్ణక్రియకు సహాయపడతాయి.
అల్లం, వెల్లుల్లి, పసుపు, మిరియాలు, తులసి మొదలైనవి కూడా టీలో వాడటం చాలా మంచిది.
