Suffering from Frequent Stomach Pain: తరచుగా కడుపు నొప్పితో బాధపడుతున్నారా? అయితే ఇది వ్యాధి సంకేతం కావచ్చు.. జాగ్రత్త..

Suffering from Frequent Stomach Pain: చాలా మంది కడుపు నొప్పిని గ్యాస్ సమస్యగానో లేదా అజీర్తిగానో భావించి సాధారణ పెయిన్ కిల్లర్లతో సరిపెట్టుకుంటారు. అయితే, పునరావృతమయ్యే కడుపు నొప్పి మీ శరీరంలో దాగి ఉన్న తీవ్రమైన అనారోగ్యానికి సంకేతం కావచ్చునని వైద్య నిపుణులు హెచ్చరిస్తున్నారు.

ఇతర లక్షణాలు ఇవే:

కేవలం నొప్పితో పాటు ఈ క్రింది లక్షణాలు కూడా కనిపిస్తే వెంటనే అప్రమత్తం కావాలి..

* కడుపులో మంట, వికారం, ఆకలి లేకపోవడం.

* తరచుగా విరేచనాలు లేదా మలబద్ధకం.

* కడుపు ఉబ్బరం, తీవ్రమైన అలసట.

* తలనొప్పి లేదా తలతిరగడం వంటి అసౌకర్యాలు.

ఏయే వ్యాధులు వచ్చే అవకాశం ఉంది?

దీర్ఘకాలిక కడుపు నొప్పి ఈ సమస్యలకు దారితీయవచ్చు..

జీర్ణకోశ సమస్యలు: ఐబిఎస్ , ఐబిడి, పెప్టిక్ అల్సర్లు మరియు తీవ్రమైన ఎసిడిటీ.

అవయవాల సమస్యలు: పిత్తాశయ రాళ్ళు , మూత్రపిండాల్లో రాళ్ళు, అపెండిసైటిస్ లేదా ప్యాంక్రియాటైటిస్.

ఇతర కారణాలు: బాక్టీరియల్ ఇన్ఫెక్షన్లు, ఆహార అలెర్జీలు, హెర్నియా, తీవ్రమైన మానసిక ఒత్తిడి.

నివారణ మార్గాలు - వైద్యుల సూచనలు:

కడుపు నొప్పి తీవ్రం కాకుండా ఉండాలంటే మీ జీవనశైలిలో ఈ మార్పులు చేసుకోండి..

ఆహార నియమాలు: వేయించిన, కారంగా ఉండే ఆహారాలకు దూరంగా ఉండాలి. సమతుల్య ఆహారం తీసుకోవాలి.

నీటి శాతం: శరీరంలో తగినంత నీరు ఉండేలా చూసుకోవాలి.

వ్యాయామం: ప్రతిరోజూ కనీసం 30 నిమిషాల నడక లేదా యోగా అలవాటు చేసుకోవాలి.

ఒత్తిడి తగ్గించుకోవడం: ధ్యానం ద్వారా మానసిక ప్రశాంతత పొందితే జీర్ణ సమస్యలు తగ్గుతాయి.

నిద్ర: భోజనం చేసిన వెంటనే పడుకోకుండా, కనీసం రెండు గంటల విరామం పాటించాలి.

నొప్పి నిరంతరంగా ఉండి, దాంతో పాటు బరువు తగ్గడం లేదా బలహీనత వంటివి కనిపిస్తే ఆలస్యం చేయకుండా వైద్యుడిని సంప్రదించి అవసరమైన పరీక్షలు చేయించుకోవడం ఉత్తమం.