Suffering From Period Pain: పీరియడ్స్ నొప్పితో బాధపడుతున్నారా? ఈ సహజసిద్ధమైన డ్రింక్‌తో ఇన్‌స్టాంట్ రిలీఫ్..

Suffering From Period Pain: నెలసరి సమయంలో తీవ్రమైన కడుపునొప్పి, నడుము నొప్పి, కండరాల పట్టేత , నీరసం వంటి సమస్యలు చాలామంది మహిళలను వేధిస్తుంటాయి. ఈ సమయంలో నొప్పి నుంచి ఉపశమనం పొందేందుకు కొందరు పెయిన్ కిల్లర్స్ వాడుతుంటారు. అయితే మందుల వల్ల దీర్ఘకాలంలో సైడ్ ఎఫెక్ట్స్ వచ్చే అవకాశం ఉండటంతో, సహజసిద్ధమైన చిట్కాల వైపు మొగ్గు చూపడం మంచిదని ఆరోగ్య నిపుణులు సూచిస్తున్నారు. మన వంటింట్లో సులభంగా లభించే సహజ పదార్థాలతో తయారుచేసే ఓ అద్భుతమైన హెర్బల్ డ్రింక్.. పీరియడ్స్ నొప్పిని, అసౌకర్యాన్ని అద్భుతంగా తగ్గిస్తుందని ప్రముఖ పోషకాహార నిపుణులు వివరిస్తున్నారు.

నొప్పిని తగ్గించే సహజసిద్ధమైన హెర్బల్ డ్రింక్

ఈ డ్రింక్‌ను ఇంట్లోనే ఐదు నిమిషాల్లో సులువుగా తయారుచేసుకోవచ్చు.

కావలసిన పదార్థాలు:

అల్లం ముక్క: చిన్న ముక్క

వాము లేదా సోంపు: అర టీస్పూన్

బెల్లం: కొద్దిగా (రుచికి సరిపడా)

దాల్చినచెక్క పొడి లేదా చిన్న ముక్క: చిటికెడు

నీరు: ఒకటిన్నర గ్లాసులు

తయారీ విధానం:

ఒక పాత్రలో ఒకటిన్నర గ్లాసుల నీటిని పోసి వేడి చేయండి.

అందులో తురిమిన అల్లం, వాము లేదా సోంపు, దాల్చినచెక్క ముక్క వేయండి.

నీరు సగం అయ్యేంత వరకు (మరిగేలా) 4 నుండి 5 నిమిషాల పాటు తక్కువ మంటపై మరిగించండి.

చివర్లో చిన్న బెల్లం ముక్కను వేసి కరిగిన తర్వాత దించేయండి.

ఈ మిశ్రమాన్ని వడకట్టి, గోరువెచ్చగా ఉన్నప్పుడే టీ లాగా నెమ్మదిగా సిప్ చేస్తూ తాగాలి.

ఈ డ్రింక్ ఎలా పనిచేస్తుంది?

అల్లం:.

అల్లంలో శక్తిమంతమైన యాంటీ-ఇన్‌ఫ్లమేటరీ గుణాలు ఉంటాయి. ఇది గర్భాశయ కండరాల వాపును తగ్గించి, నొప్పిని కలిగించే ప్రోస్టాగ్లాండిన్స్ అనే రసాయనాల విడుదలను అరికడుతుంది.

వాము - సోంపు:

వాము, సోంపు సహజ యాంటీ-స్పాస్మోడిక్‌గా పనిచేస్తాయి. ఇవి కడుపులో గ్యాస్, ఉబ్బరాన్ని తగ్గించడంతో పాటు కండరాల తిమ్మిరి (క్రాంప్స్)ను వెంటనే సడలిస్తాయి.

దాల్చినచెక్క:

రక్త ప్రసరణను మెరుగుపరుస్తుంది మరియు పీరియడ్స్ సమయంలో వచ్చే అసౌకర్యాన్ని తగ్గిస్తుంది.

బెల్లం:

బెల్లంలో ఐరన్ పుష్కలంగా ఉంటుంది. ఇది శరీరానికి తక్షణ శక్తిని ఇవ్వడమే కాకుండా, రక్త నష్టం వల్ల వచ్చే బలహీనతను, నీరసాన్ని తగ్గిస్తుంది.

ఎప్పుడు తాగాలి?

పీరియడ్స్ ప్రారంభమయ్యే ఒకటి లేదా రెండు రోజుల ముందు నుంచి, లేదా పీరియడ్స్ మొదటి రెండు రోజుల్లో తీవ్రమైన నొప్పి ఉన్నప్పుడు రోజుకు ఒకటి లేదా రెండుసార్లు ఈ గోరువెచ్చని కషాయాన్ని తాగవచ్చు. ఇది గర్భాశయ కండరాలకు ఉపశమనం కలిగించి రక్తప్రసరణ సాఫీగా సాగేందుకు తోడ్పడుతుంది.