Typhoid Spreading Among Children: పిల్లల్లో టైఫాయిడ్ పంజా.. సాధారణ జ్వరం అనుకుని పొరపడకండి.. ఈ లక్షణాలు కనిపిస్తే వెంటనే అలర్ట్ అవ్వండి..

Typhoid Spreading Among Children: మారుతున్న వాతావరణం, కలుషిత నీరు వెరసి ప్రస్తుతం పిల్లల్లో టైఫాయిడ్ కేసులు వేగంగా పెరుగుతున్నాయి. మొదట్లో ఇది సాధారణ ఫ్లూ లాగా కనిపించినప్పటికీ, సకాలంలో గుర్తించకపోతే ప్రాణాపాయానికి దారితీసే ప్రమాదం ఉందని ఆరోగ్య నిపుణులు హెచ్చరిస్తున్నారు. మీ పిల్లల ఆరోగ్యాన్ని కాపాడుకోవడానికి మీరు తెలుసుకోవాల్సిన ముఖ్యం విషయాలు ఇవే..

టైఫాయిడ్ అంటే ఏమిటి? ఇది ఎలా వ్యాపిస్తుంది?

టైఫాయిడ్ అనేది ఒక బ్యాక్టీరియల్ ఇన్ఫెక్షన్. ఇది ప్రధానంగా కలుషితమైన నీరు మరియు అపరిశుభ్రమైన ఆహారం ద్వారా శరీరంలోకి చేరుతుంది. పిల్లల్లో రోగనిరోధక శక్తి తక్కువగా ఉండటం వల్ల వారు ఈ వ్యాధి బారిన త్వరగా పడే అవకాశం ఉంది.

ఈ తొలి లక్షణాలను అస్సలు నిర్లక్ష్యం చేయవద్దు:

పిల్లల్లో ఈ క్రింది మార్పులు కనిపిస్తే వెంటనే వైద్యుడిని సంప్రదించాలి..

నిరంతర జ్వరం: రెండు రోజుల కంటే ఎక్కువ కాలం జ్వరం తగ్గకుండా ఉండటం.

జీర్ణ సమస్యలు:

కడుపు నొప్పి, ఉబ్బరం, వాంతులు, విరేచనాలు మరియు ఆకలి మందగించడం.

నీరసం: తీవ్రమైన అలసట, ఒళ్ళు నొప్పులు, ఆటపాటలపై ఆసక్తి తగ్గడం.

చిరాకు: నిరంతర విసుగు, నిద్రలేమి సమస్యలు.

తీవ్రమైన సంకేతాలు: అధిక జ్వరం, శ్వాస తీసుకోవడంలో ఇబ్బంది, స్పృహ కోల్పోవడం వంటి లక్షణాలు కనిపిస్తే ఏమాత్రం ఆలస్యం చేయకుండా అత్యవసర చికిత్స అందించాలి.

టైఫాయిడ్ వస్తే తీసుకోవాల్సిన జాగ్రత్తలు

ఒకవేళ మీ బిడ్డకు టైఫాయిడ్ సోకినట్లయితే ఈ జాగ్రత్తలు పాటించండి..

మందుల కోర్సు:

డాక్టర్ సూచించిన యాంటీబయోటిక్ కోర్సును మధ్యలో ఆపకుండా పూర్తి చేయాలి.

ఆహారం: గంజి, సూప్, తేలికపాటి ఆహారాన్ని మాత్రమే అందించాలి.

హైడ్రేషన్:

శరీరం డీహైడ్రేట్ అవ్వకుండా పుష్కలంగా ద్రవ పదార్థాలు (ఓఆర్ఎస్, కొబ్బరి నీళ్లు) ఇవ్వాలి.

నివారణే మార్గం:

టైఫాయిడ్ రాకుండా ఉండాలంటే ఈ అలవాట్లు నేర్పండి..

శుభ్రమైన నీరు:

ఎల్లప్పుడూ కాచి చల్లార్చిన లేదా ఫిల్టర్ చేసిన నీటిని మాత్రమే తాగించాలి.

బయటి ఆహారం:

రోడ్డు పక్కన దొరికే కలుషిత ఆహారం, ఐస్ క్రీములు, జ్యూస్‌లకు దూరంగా ఉంచాలి.

పరిశుభ్రత:

భోజనానికి ముందు, టాయిలెట్ వాడిన తర్వాత చేతులను సబ్బుతో కడుక్కోవడం తప్పనిసరి చేయాలి.

కూరగాయలు:

పండ్లు, కూరగాయలను వాడే ముందు ఉప్పు నీటితో శుభ్రంగా కడగాలి.