Chewing Sounds Around You Trigger Anger: చుట్టుపక్కల వారు నములుతుంటే కోపం వస్తుందా? అయితే మీకు మిసోఫోనియా ఉండవచ్చు..

Chewing Sounds Around You Trigger Anger: మనలో చాలా మందికి కొన్ని రకాల శబ్దాలు విన్నప్పుడు కాస్త ఇబ్బందిగా అనిపిస్తుంది. కానీ కొంతమందికి మాత్రం ఎదుటివారు ఆహారం నములుతున్నా, పెన్నుతో టిక్ టిక్ మని శబ్దం చేస్తున్నా లేదా గట్టిగా శ్వాస తీసుకుంటున్నా అనియంత్రితమైన కోపం, ఆందోళన వస్తుంటాయి. దీనిని కేవలం 'అసహనం' అని కొట్టిపారేయడానికి వీల్లేదు. వైద్య పరిభాషలో దీనిని మిసోఫోనియా అని పిలుస్తారు.

ఏమిటి ఈ మిసోఫోనియా?

గ్రీకు భాషలో మిసోఫోనియా అంటే శబ్దం పట్ల విముఖత అని అర్థం. ఇది మెదడు కొన్ని నిర్దిష్ట శబ్దాలకు అతిగా స్పందించే ఒక నాడీ సంబంధిత పరిస్థితి. ఈ సమస్య ఉన్నవారికి సాధారణ శబ్దాలు కూడా చెవుల్లో బాంబుల్లా పేలుతున్నట్లు అనిపిస్తాయి.

మిసోఫోనియాను ప్రేరేపించే శబ్దాలు:

నమిలేటప్పుడు వచ్చే శబ్దాలు, నీళ్లు తాగేటప్పుడు వచ్చే శబ్దం, పెదవుల నుండి వచ్చే శబ్దాలు.

శ్వాస సంబంధిత:

గట్టిగా గాలి పీల్చుకోవడం, ఆయాసం, ముక్కుతో చేసే శబ్దాలు.

ఇత రాలు: పెన్ను క్లిక్ చేయడం, కీబోర్డ్ టైపింగ్ శబ్దం, కాళ్లు నిరంతరం తట్టడం వంటివి.

శరీరంపై ఎలాంటి ప్రభావం చూపుతుంది?

ఇలాంటి శబ్దాలు విన్నప్పుడు మిసోఫోనియా బాధితుల్లో ఆకస్మిక శారీరక మార్పులు వస్తాయి..

1. హృదయ స్పందన రేటు విపరీతంగా పెరగడం.

2. కండరాలు బిగుసుకుపోవడం, ఒళ్లంతా చెమటలు పట్టడం.

3. ఆ శబ్దం చేసే వ్యక్తిపై హింసాత్మకంగా స్పందించాలనే కోరిక కలగడం.

4. ప్రతిస్పందించిన తర్వాత తీవ్రమైన సిగ్గు కలగడం.

ఎందుకు ఇలా జరుగుతుంది?

శాస్త్రవేత్తల ప్రకారం, ఇది ఒక వ్యక్తిత్వ లోపం కాదు. మిసోఫోనియా ఉన్న వ్యక్తుల మెదడులో భావోద్వేగాలను నియంత్రించే భాగం, సాధారణ శబ్దాలను కూడా ఒక పెద్ద ముప్పుగా తప్పుగా అర్థం చేసుకుంటుంది. దీనివల్ల మెదడు వెంటనే 'ఫైట్ లేదా ఫ్లైట్ (పోరాడటం లేదా పారిపోవడం) అనే మోడ్‌లోకి వెళ్ళిపోతుంది.

సామాజిక జీవితంపై ప్రభావం:

ఈ సమస్య ఉన్నవారు ఇతరులతో కలిసి భోజనం చేయడానికి లేదా గుంపుల్లో ఉండటానికి భయపడతారు. దీనివల్ల వారు సమాజం నుండి ఒంటరి అయిపోయే ప్రమాదం ఉంది. ఇది దీర్ఘకాలంలో ఆందోళనకు దారితీయవచ్చు.