Don’t Mistake It for Normal Tiredness: సాధారణ అలసట అనుకుంటే పొరపాటే.. అది బర్న్అవుట్ కావచ్చు.. ఈ 7 లక్షణాలు మీలో ఉన్నాయా
అది బర్న్అవుట్ కావచ్చు.. ఈ 7 లక్షణాలు మీలో ఉన్నాయా
Don’t Mistake It for Normal Tiredness: వన నాణ్యతను మెరుగుపరుచుకునే రేసులో పడి నేడు చాలా మంది తమ ఆరోగ్యాన్ని ఫణంగా పెడుతున్నారు. ఫలితంగా బర్న్అవుట్ అనే తీవ్రమైన మానసిక, శారీరక అలసట బారిన పడుతున్నారు. ఇది కేవలం సాధారణ అలసట కాదు, ఒక వ్యక్తిని మానసిక కుప్పకూలిపోవడానికి దారితీసే ఒక తీవ్రమైన హెచ్చరిక.
బర్న్అవుట్ అంటే ఏమిటి?
నెలలు లేదా ఏళ్ల తరబడి కొనసాగే దీర్ఘకాలిక ఒత్తిడి వల్ల శరీరం, మనస్సు పూర్తిగా నిస్సత్తువకు లోనయ్యే స్థితిని 'బర్న్అవుట్' అంటారు. ఇది ఒక వ్యక్తి పనితీరును, కుటుంబ సంబంధాలను మరియు శారీరక ఆరోగ్యాన్ని చిన్నాభిన్నం చేస్తుంది.
మీ శరీరం ఇచ్చే ఈ 7 హెచ్చరికలను గమనించండి..
మీకు ఈ లక్షణాలు ఉంటే మీరు బర్న్అవుట్కు గురవుతున్నారని అర్థం
తీరని అలసట: ఎంత నిద్రపోయినా తగ్గని నీరసం, శక్తి లేకపోవడం.
నిరాసక్తత: గతంలో ఇష్టమైన పనులపై, హాబీలపై ఆసక్తి తగ్గిపోవడం.
కోపం - అసహనం: చిన్న విషయాలకే చిరాకు పడటం, సహనం కోల్పోవడం.
నిద్రలేమి: సరిగ్గా నిద్ర పట్టకపోవడం లేదా రాత్రిపూట తరచుగా మేల్కొనడం.
ఏకాగ్రత లోపం: ఏ విషయంపై దృష్టి పెట్టలేకపోవడం, నిర్ణయాలు తీసుకోవడంలో ఇబ్బంది.
శారీరక నొప్పులు: కారణం లేని తలనొప్పి, మెడ నొప్పి, జీర్ణకోశ సమస్యలు.
ఒంటరితనం: స్నేహితులు, కుటుంబ సభ్యులకు దూరంగా ఉండాలని అనిపించడం.
-స్మార్ట్ఫోన్: ఒక సైలెంట్ విలన
బర్న్అవుట్కు ప్రధాన కారణాలలో స్మార్ట్ఫోన్ల మితిమీరిన వాడకం ఒకటని నిపుణులు హెచ్చరిస్తున్నారు.
డూమ్ స్క్రోలింగ్:
నిరంతరం సోషల్ మీడియాలో నెగటివ్ వార్తలు, వీడియోలు స్క్రోల్ చేయడం వల్ల మెదడుకు విశ్రాంతి దొరకదు.
పోలికలు: ఇతరుల జీవితాలతో మనల్ని మనం పోల్చుకోవడం వల్ల న్యూనతా భావం, ఒత్తిడి పెరుగుతాయి.
నీలి కాంతి: రాత్రిపూట ఫోన్ వాడటం వల్ల మెలటోనిన్ ఉత్పత్తి తగ్గి నిద్రకు భంగం కలుగుతుంది.
బర్న్అవుట్ను జయించడం ఎలా?
జీవనశైలిలో ఈ మార్పులు చేయడం ద్వారా ఈ సమస్య నుండి బయటపడవచ్చు..
వర్క్-లైఫ్ బ్యాలెన్స్: ఆఫీసు పనిని ఇంటికి తీసుకురాకండి. వ్యక్తిగత జీవితానికి కచ్చితమైన సమయం కేటాయించండి.
డిజిటల్ డిటాక్స్:
నిద్రపోయే కనీసం ఒక గంట ముందు ఫోన్ను పక్కన పెట్టండి. ప్రతిరోజూ కొంత సమయం గ్యాడ్జెట్స్కు దూరంగా ఉండండి.
సృజనాత్మకత:
పెయింటింగ్, రీడింగ్ లేదా గార్డెనింగ్ వంటి పనుల్లో నిమగ్నమవ్వండి.
శారీరక శ్రమ:
ప్రతిరోజూ నడక, సైక్లింగ్ వంటి తేలికపాటి వ్యాయామాలు చేయండి.
సరైన ఆహారం:
చక్కెర, కొవ్వు పదార్థాలను తగ్గించి పండ్లు, ఆకుకూరలు ఎక్కువగా తీసుకోండి. టీ, కాఫీ వినియోగాన్ని పరిమితం చేయండి.
అలసటను కేవలం పని ఒత్తిడిగా కొట్టిపారేయకండి. పరిస్థితి చేయి దాటుతోందని అనిపిస్తే సంకోచం లేకుండా మానసిక వైద్యులను సంప్రదించండి. సకాలంలో స్పందిస్తే బర్న్అవుట్ నుండి మళ్ళీ సంపూర్ణ ఆరోగ్యవంతులుగా మారవచ్చు.
