Carney: ప్రపంచ ఆర్థిక అనిశ్చితి వేళ.. కెనడాలో పెట్టుబడులకు ఇదే సరైన సమయం: కార్నీ

Carney: కెనడా ప్రధాని మార్క్ కార్నీ మంగళవారం టొరంటోలో ప్రపంచవ్యాప్తంగా ఉన్న దాదాపు 100 మంది మనీ మేనేజర్లను సమావేశపరిచి, అస్థిర ప్రపంచంలో కెనడాను స్థిరమైన పెట్టుబడుల స్వర్గంగా ప్రచారం చేశారు. 25 దేశాల నుంచి వచ్చిన ఈ నిపుణులు నిర్వహించే ట్రిలియన్ల డాలర్ల పెట్టుబడులను కెనడాకు ఆకర్షించాలని ఆయన లక్ష్యంగా పెట్టుకున్నారు.

టొరంటో ఇంటర్నేషనల్ ఫిల్మ్ ఫెస్టివల్ సందర్భంగా నగరంలో జరిగిన ఈ మొదటి కెనడా ఇన్వెస్ట్‌మెంట్ సమ్మిట్‌లో కార్నీ మాట్లాడారు. మాజీ గ్లోబల్ బ్యాంకర్, సెంట్రల్ బ్యాంక్ గవర్నర్‌గా ఆయనకు ఉన్న ఖ్యాతి కూడా ఈ సమావేశానికి ఆకర్షణగా నిలిచిందని నిపుణులు అభిప్రాయపడ్డారు.

‘‘స్థిరత్వం, విశ్వాసం అనే అంశాలను మేము అందించగలం. చాలా దేశాలు ఇలా చేయలేవు. మార్కెట్లు ప్రస్తుతం కెనడాను విశ్వసిస్తున్నాయి. ఆ ఉత్సాహాన్ని మరింత పెంచాలని మేము కోరుకుంటున్నాము’’ అని కెనడా ఇండస్ట్రీ మంత్రి మెలానీ జోలీ అన్నారు.

లండన్‌లోని గ్లోబల్ ఇన్‌ఫ్రాస్ట్రక్చర్ అసోసియేషన్ సర్వేలో కెనడా ‘ప్రపంచంలో అత్యంత ఆకర్షణీయమైన మార్కెట్’గా మొదటి స్థానంలో నిలిచింది. అమెరికా, జర్మనీని అధిగమించి కెనడా ఈ స్థానం సాధించడం ఇదే తొలిసారి.

గత నెలలో అమెరికాతో వాణిజ్య చర్చలు విఫలమై, అమెరికా 50 శాతం సుంకాలు విధించడం, కెనడా ప్రతీకార సుంకాలు విధించడం తర్వాత ఈ సమావేశం జరిగింది. కార్నీ ప్రభుత్వం అమెరికాపై ఆధారపడకుండా ఇతర దేశాలతో సంబంధాలు పెంచుకోవాలని, దేశీయ పెట్టుబడులను ఆకర్షించాలని ప్రయత్నిస్తోంది.