Elon Musk Creates Sensation in Satellites: ఉపగ్రహాల్లో మస్క్ సెన్సేషన్: ప్రపంచం కలిపినంతకు 200 దూరంలో స్పేస్ఎక్స్!
ప్రపంచం కలిపినంతకు 200 దూరంలో స్పేస్ఎక్స్!
Elon Musk Creates Sensation in Satellites: అంతరిక్ష యుగం మొదలైన 1957 నుంచి ఇప్పటి వరకు ప్రపంచవ్యాప్తంగా అన్ని దేశాలు, సంస్థలు కలిపి కక్ష్యలోకి ప్రయోగించిన మొత్తం ఉపగ్రహాల సంఖ్య 15,062. వాటిలో ఒక్క ఎలాన్ మస్క్కు చెందిన స్పేస్ఎక్స్ సంస్థ మాత్రమే 14,844 ఉపగ్రహాలను ఆకాశంలోకి పంపించింది. మరో 200 ఉపగ్రహాలు కక్ష్యలోకి చేర్చిన వెంటనే, స్పేస్ఎక్స్ ప్రపంచమంతా కలిపినంత ఉపగ్రహాలను ఒక్క సంస్థగా సాధించి చరిత్ర సృష్టించనుంది.
మారుమూల ప్రాంతాల్లోనూ హైస్పీడ్ ఇంటర్నెట్ను అందించాలన్న లక్ష్యంతో స్పేస్ఎక్స్ స్టార్లింక్ ప్రాజెక్ట్ ద్వారా ఈ భారీ ఉపగ్రహ నెట్వర్క్ను నిర్మిస్తోంది. ఇది గ్లోబల్ ఇంటర్నెట్ కనెక్టివిటీలో విప్లవాత్మక మార్పులు తీసుకొస్తోంది. అయితే, ఈ ఉపగ్రహాల సంఖ్య విపరీతంగా పెరగడం ఖగోళ శాస్త్రవేత్తల్లో ఆందోళన కలిగిస్తోంది. కక్ష్యలో రద్దీ పెరగడం, అంతరిక్ష శిథిలాలు, బ్లాక్ హోల్స్, సుదూర గెలాక్సీల అధ్యయనాలపై ప్రభావం వంటి సమస్యలు ఏర్పడుతున్నాయని వారు హెచ్చరిస్తున్నారు.
స్పేస్ఎక్స్ తన లాంచ్ సామర్థ్యాన్ని మరింత పెంచుకోవడానికి ప్రపంచంలోనే అతి పెద్ద రాకెట్ వ్యవస్థ స్టార్షిప్ను కూడా అభివృద్ధి చేస్తోంది.
భారత్ స్థితి:
ప్రస్తుతం కక్ష్యలో 86 భారతీయ ఉపగ్రహాలు ఉన్నాయి. వీటిలో 27 మాత్రమే పనిచేస్తున్నాయి. ఇస్రో కమ్యూనికేషన్, నావిగేషన్, భూ పరిశీలన, శాస్త్రీయ మిషన్లలో తన సామర్థ్యాలను విస్తరిస్తోంది.
ఈ మైలురాయి సాధించిన తర్వాత స్పేస్ఎక్స్ అంతరిక్ష రంగంలో ఏకైక సూపర్ పవర్గా నిలుస్తుందని భావిస్తున్నారు.
