Kulman Ghising: నేపాల్ తాత్కాలిక ప్రధానిగా కుల్మాన్ ఘీసింగ్ నియామకం

Kulman Ghising: నేపాల్ రాజకీయాల్లో అనూహ్య పరిణామాలు చోటుచేసుకుంటున్నాయి. ప్రధానమంత్రి కేపీ శర్మ ఒలీ రాజీనామా తర్వాత, తాత్కాలిక ప్రధానమంత్రిగా కుల్మాన్ ఘీసింగ్‌ను ఎంపిక చేసినట్లు సమాచారం. ఈ నియామకంపై అధికారిక ప్రకటన రావాల్సి ఉంది. ఈ రాజకీయ మార్పులు నేపాల్ ప్రజలతో పాటు అంతర్జాతీయ స్థాయిలోనూ చర్చనీయాంశంగా మారాయి. కొత్త నాయకత్వంతో నేపాల్ రాజకీయాలు ఎలాంటి మలుపు తిరుగుతాయని అందరూ ఆసక్తిగా ఎదురుచూస్తున్నారు.

కుల్మాన్ ఘీసింగ్ నేపాల్ ఎలక్ట్రిసిటీ అథారిటీ (NEA) మాజీ మేనేజింగ్ డైరెక్టర్‌గా ప్రజల్లో గుర్తింపు పొందారు. 2016-2020 మధ్య ఆయన నేపాల్‌లో దీర్ఘకాలంగా ఉన్న విద్యుత్ కోతల సమస్యను పరిష్కరించడంలో కీలక పాత్ర పోషించారు. ఈ విజయంతో ఆయన ప్రజల్లో విశేష ఆదరణ సంపాదించారు. అయితే, 2025 మార్చిలో NEA మేనేజింగ్ డైరెక్టర్ పదవి నుంచి ఆయనను తొలగించడం వివాదాస్పదంగా మారి, ప్రజలు, రాజకీయ నాయకుల నుంచి తీవ్ర విమర్శలు ఎదురయ్యాయి.

జెన్ Z నిరసనల తర్వాత కుల్మాన్ ఘీసింగ్‌ను తాత్కాలిక ప్రధానమంత్రిగా ఎంపిక చేసినట్లు తెలుస్తోంది. ఈ నియామకం నేపాల్ రాజకీయాల్లో కీలక మలుపును సూచిస్తుంది. ఈ నియామకం దీర్ఘకాలం కొనసాగుతుందా లేదా అనేది రాబోయే రోజుల్లో స్పష్టమవుతుంది.