Trump Loses Temper: ట్రంప్ ఆగ్రహం.. మైక్ కిందపడేసి ఇంటర్వ్యూ నుంచి వాకౌట్!
మైక్ కిందపడేసి ఇంటర్వ్యూ నుంచి వాకౌట్!
Trump Loses Temper: అమెరికా అధ్యక్షుడు డొనాల్డ్ ట్రంప్ తన అసహన స్వభావానికి మరో ఉదాహరణ చూపించారు. ఓ టీవీ ఇంటర్వ్యూ మధ్యలో మైక్రోఫోన్ను కిందపడేసి, ఆగ్రహంగా వెళ్లిపోయారు.
మీట్ ది ప్రెస్ ఇంటర్వ్యూలో సంచలనం:
ఇరాన్తో జరుగుతున్న యుద్ధం, సంబంధిత చర్చలు, గత ప్రభుత్వం చేసిన అన్యాయాలు, యాంటీ వెపనైజేషన్ స్కీమ్ వంటి అంశాలపై హోస్ట్ క్రిస్టెన్ వెల్కర్ ప్రశ్నలు సంధించారు. ఈ సందర్భంగా మాజీ అధ్యక్షుడు జో బైడెన్, మీడియాపై ట్రంప్ తీవ్రంగా విరుచుకుపడ్డారు. 2020 అధ్యక్ష ఎన్నికల్లో అవకతవకలు జరిగాయని తన ఆరోపణలను సమర్థించుకున్నారు.
అయితే, ఆ ఆరోపణలకు ఆధారాలు చూపించాలని హోస్ట్ పదేపదే పట్టుబట్టడంతో ట్రంప్ సహనం కోల్పోయారు. కాలిఫోర్నియా మేయర్ ఎన్నికల్లో కూడా రిగ్గింగ్ జరుగుతోందని, ఓటింగ్ పూర్తయినా కౌంటింగ్ ఆలస్యమవుతోందని వ్యాఖ్యానించారు. పోస్టల్ బ్యాలెట్ కారణమని హోస్ట్ చెప్పిన వాదనను ఖండించారు.
ఇంటర్వ్యూ అకస్మాత్తుగా ముగింపు:
చర్చ తీవ్రరూపం దాల్చడంతో ట్రంప్ ‘‘ఇక చాలు.. ఆపేద్దాం. థ్యాంక్యూ’’ అంటూ మైక్రోఫోన్ తీసి కిందపడేశారు. ఇంటర్వ్యూను కొనసాగించాలని హోస్ట్ కోరినా, ‘‘ఇప్పటికే చాలా సమయం ఇచ్చాను’’ అంటూ మధ్యలోనే వెళ్లిపోయారు.
ట్రంప్ తన వ్యవహార శైలితో తరచూ వార్తల్లో నిలుస్తుంటారు. ఈ ఘటన ఇంటర్నెట్లో వైరల్ అయ్యే అవకాశం ఉంది.
