Iran’s Crosshairs: ఇరాన్ టార్గెట్లో ట్రంప్ గల్ఫ్ ఆస్తులు: ఖతార్ గోల్ఫ్ క్లబ్లు, దుబాయ్ హోటళ్లు ప్రమాదంలో!
హోటళ్లు ప్రమాదంలో!
Iran’s Crosshairs: పశ్చిమాసియాలో ఉద్రిక్తతలు రోజురోజుకూ పెరుగుతున్న నేపథ్యంలో, అమెరికా-ఇరాన్ మధ్య ఘర్షణలు మరింత తీవ్రరూపం దాల్చాయి. ఇరాన్పై అమెరికా చేస్తున్న దాడులకు ప్రతీకారంగా గల్ఫ్ దేశాల్లోని అమెరికా సంబంధిత లక్ష్యాలను ఇరాన్ టార్గెట్ చేస్తోంది. ఈ జాబితాలో మాజీ అధ్యక్షుడు డొనాల్డ్ ట్రంప్కు చెందిన వ్యక్తిగత ఆస్తులు కూడా ఉన్నట్లు మీడియా నివేదికలు వెల్లడిచాయి.
ఇరాన్ రెవల్యూషనరీ గార్డ్స్ కార్ప్స్ (IRGC) ప్రణాళికల ప్రకారం, యూఏఈ, సౌదీ అరేబియా, ఖతార్, ఒమన్ వంటి గల్ఫ్ దేశాల్లోని ట్రంప్ బ్రాండ్ హోటళ్లు, గోల్ఫ్ క్లబ్లు, విల్లాలు, టవర్లు ప్రమాదంలో పడే అవకాశం ఉంది.
ట్రంప్ ఆస్తుల వివరాలు:
దుబాయ్లో: ట్రంప్ ఇంటర్నేషనల్ హోటల్ & రెసిడెన్షియల్ టవర్
దుబాయ్, సౌదీ అరేబియా, ఖతార్లో: ట్రంప్ ఇంటర్నేషనల్ గోల్ఫ్ క్లబ్లు మరియు విల్లాలు
జెడ్డా, రియాద్లో: ట్రంప్ టవర్స్
మస్కట్ (ఒమన్): ట్రంప్ ఇంటర్నేషనల్ హోటల్
ఇరాన్ తమ దేశంపై అమెరికా దాడులకు ప్రతిగా ఈ ఆస్తులపై దాడులు చేయాలని ప్లాన్ చేస్తున్నట్లు సమాచారం. అయితే, ఎప్పుడు లేదా ఏ విధంగా ఈ దాడులు జరుగుతాయనేది ఇంకా స్పష్టంగా తెలియడం లేదు.
ఇరాన్లోని పౌర మౌలిక సదుపాయాలు, ఖర్గ్ ద్వీపం, పికాక్స్ పర్వతం వంటి లక్ష్యాలపై అమెరికా దాడులు కొనసాగుతున్న నేపథ్యంలో, ఇరాన్ కూడా గల్ఫ్ ప్రాంతంలోని అమెరికా సంబంధిత స్థావరాలు, ఖతార్, బహ్రెయిన్పై క్షిపణులు, డ్రోన్ల దాడులు చేసింది. ప్రస్తుతం పశ్చిమాసియా మొత్తం యుద్ధ ఉద్రిక్తతలతో కలకలమైపోతోంది.
