Ukraine Launches: మాస్కోపై ఉక్రెయిన్ భారీ డ్రోన్ దాడి: ప్రధాన విమానాశ్రయాల్లో విమాన సర్వీసులు సస్పెండ్

Ukraine Launches: రష్యా రాజధాని మాస్కోపై ఉక్రెయిన్ వందలాది డ్రోన్లతో భారీ దాడి చేసింది. ఈ దాడుల కారణంగా మాస్కోలోని అన్ని ప్రధాన విమానాశ్రయాలు మూసివేయబడ్డాయి. విమానాల రాకపోకలను అధికారులు తాత్కాలికంగా నిలిపివేశారు.

మాస్కో మరియు దాని చుట్టుపక్కల ప్రాంతాలను లక్ష్యంగా చేసుకుని ఉక్రెయిన్ ఈ డ్రోన్ దాడులు నిర్వహించింది. దీంతో రాజధాని అంతటా భద్రతా ఏర్పాట్లు కట్టుదిట్టం చేశారు. మాస్కో ఆయిల్ రిఫైనరీ సమీపంలో దాడులు జరగడంతో అక్కడ పెద్ద ఎత్తున మంటలు చెలరేగాయి. భారీగా పొగ వ్యాపించడంతో సమీప రోడ్లపై ట్రాఫిక్‌ను కూడా నిలిపివేశారు.

జోకోవ్‌స్కీ జిల్లాలో ఒక అపార్ట్‌మెంట్ భవనం మరియు మాస్కో శివార్లలోని ఒక షాపింగ్ మాల్ వద్ద కూడా డ్రోన్ దాడులు నమోదయ్యాయి. అయితే, ఈ దాడుల్లో మానవ ప్రాణ నష్టం జరిగిందా లేదా అనేది ఇంకా స్పష్టంగా తెలియాల్సి ఉంది. దాడుల సమయంలో మాస్కోలో అత్యంత రద్దీగా ఉండే షెరెమెట్యేవో విమానాశ్రయంలోని ప్రయాణికులను సురక్షిత ప్రాంతాలకు తరలించారు. విమాన కార్యకలాపాలను కూడా పరిమితం చేశారు.

రష్యా రక్షణ శాఖ ప్రకారం, ఉక్రెయిన్ నుంచి వచ్చిన 500కి పైగా డ్రోన్లను తమ వైమానిక రక్షణ వ్యవస్థలు తిప్పికొట్టాయి. ఇందులో మాస్కో వైపు దూసుకొచ్చిన 180కి పైగా డ్రోన్లను అడ్డుకున్నట్లు వెల్లడించింది. గత రెండేళ్లలో మాస్కోపై జరిగిన అతిపెద్ద దాడి ఇదేనని రష్యా మీడియా తెలిపింది.

కజన్ నగరంలో ASEAN శిఖరాగ్ర సమావేశం జరగడానికి కొన్ని గంటల ముందు ఈ దాడి జరగడం గమనార్హం. ఈ సమావేశంలో రష్యా అధ్యక్షుడు వ్లాదిమిర్ పుతిన్‌తో పాటు ఆసియన్ దేశాల నాయకులు పాల్గొననున్నారు. దాడికి సంబంధించిన వీడియోను ఉక్రెయిన్ అధ్యక్షుడు వోలోడిమిర్ జెలెన్‌స్కీ ఎక్స్ (ట్విట్టర్)లో పోస్ట్ చేశారు.

ఈ ఘటన రష్యా-ఉక్రెయిన్ యుద్ధంలో మరో కొత్త మలుపును సూచిస్తోంది.