"I Love Muhammad" Controversy: "ఐ లవ్ మహమ్మద్" వివాదం నేపథ్యంలో బరేలీలో హింసా కలకలం – తఖ్వీర్ రజాను అరెస్టు చేసిన యూపీ పోలీసుల

"I Love Muhammad" Controversy: ఉత్తరప్రదేశ్‌లోని బరేలీలో జరిగిన అల్లర్లకు మూలకారణంగా పరిగణిస్తున్న స్థానిక మత గురువు తఖ్వీర్ రజాను యూపీ పోలీసులు అరెస్ట్ చేశారు. శుక్రవారం నమాజ్ తర్వాత అతని ప్రోత్సాహంతోనే 'ఐ లవ్ మహమ్మద్' ర్యాలీ నిర్వహించారని, దాని వల్ల అల్లర్లు చెలరేగాయని పోలీసులు ఆరోపిస్తున్నారు. తఖ్వీర్ రజాతో పాటు మరో ఎనిమిది మందిని అరెస్ట్ చేసి జైలుకు పంపించారు. ఈ అల్లర్లకు సంబంధించి మొత్తం 10 కేసులు నమోదు చేశారు, వీటిలో 7 కేసులు తఖ్వీర్ రజాపై ఉన్నాయి.

బరేలీలోని కోత్వాలి ప్రాంతంలో శుక్రవారం నమాజ్ తర్వాత మసీదు బయట 'ఐ లవ్ ముహమ్మద్' పోస్టర్లతో పెద్ద ఎత్తున జనం గుమికూడటంతో పోలీసులు అడ్డుకున్నారు. దీంతో నిరసనకారులు పోలీసులతో ఘర్షణ పడ్డారు, ఉద్రిక్తతలు చోటుచేసుకున్నాయి. రజా పిలుపుతోనే చివరి క్షణంలో నిరసనకారులు హింసాత్మకంగా మారారని పోలీసులు చెబుతున్నారు.

పోలీసుల వివరాల ప్రకారం, రజాతో సహా ఎనిమిది మందిని జైలుకు తరలించారు. రాళ్ల దాడి, విధ్వంసాలు జరిగిన ఈ ఘర్షణ తర్వాత మొత్తం 39 మందిని అదుపులోకి తీసుకున్నారు. సంఘటనా స్థలం నుంచి పిస్టల్స్, పెట్రోల్ బాటిళ్లు మొదలైనవి స్వాధీనం చేసుకున్నారు.

ఈ ఘటనలో 22 మంది పోలీసు సిబ్బంది గాయపడ్డారు. సంఘటనా స్థలం నుంచి రాళ్లు, పెట్రోల్ బాటిళ్లు, పిస్టల్స్‌లను స్వాధీనం చేసుకున్నామని పోలీసులు తెలిపారు.

నిరసనకారులు బారికేడ్లను దాటి హింసను ప్రేరేపించేందుకు ప్రయత్నించారని పోలీసులు చెప్పారు. సీసీటీవీ ఫుటేజ్, మాన్యువల్ ఇంటెలిజెన్స్, ఇతర దర్యాప్తు పద్ధతుల ద్వారా హింసలో పాల్గొన్న వారిని గుర్తిస్తున్నామని అధికారులు తెలిపారు.