Arshdeep Singh: చరిత్ర సృష్టించేందుకు అర్ష్‌దీప్ సింగ్‌కు 5 వికెట్లు చాలు.. తొలి భారత బౌలర్‌గా రికార్డు ఖాయమా?
రికార్డు ఖాయమా?
Arshdeep Singh: భారత్-న్యూజిలాండ్ మధ్య 5 టీ20 మ్యాచ్‌ల సిరీస్ మొదలైంది. ఇరు జట్లలోని స్టార్ ఆటగాళ్లపై భారీ అంచనాలు నెలకొనగా.. టీమిండియా స్టార్ లెఫ్టార్మ్ పేసర్ అర్ష్‌దీప్ సింగ్ ఓ అరుదైన చారిత్రక రికార్డుకు అత్యంత సమీపంలో నిలిచాడు. అంతర్జాతీయ టీ20 క్రికెట్‌లో సరికొత్త మైలురాయిని అందుకోవడానికి అతనికి కేవలం 5 వికెట్లు మాత్రమే అవసరం.
తొలి భారత బౌలర్‌గా ఘనత
అంతర్జాతీయ టీ20ల్లో 150 వికెట్ల మైలురాయిని చేరేందుకు అర్ష్‌దీప్ సింగ్‌కు ఇంకా 5 వికెట్ల దూరంలో ఉన్నాడు. న్యూజిలాండ్‌తో జరిగే ఈ సిరీస్‌లో అర్ష్‌దీప్ ఈ ఫీట్ సాధిస్తే.. టీ20ల్లో 150 వికెట్లు తీసిన తొలి భారత బౌలర్‌గా చరిత్ర సృష్టిస్తాడు. ప్రపంచ క్రికెట్ చరిత్రలో ఈ మైలురాయిని అందుకున్న 9వ బౌలర్‌గా రికార్డులకెక్కుతాడు.
గణాంకాల్లో అర్ష్‌దీప్ దూకుడు
మొత్తం మ్యాచ్‌లు - 99 టీ20లు
తీసిన వికెట్లు - 145 వికెట్లు
బౌలింగ్ సగటు - 20.30
ఇన్నింగ్స్‌లో 5 వికెట్ల ఘనత ఒకసారి
న్యూజిలాండ్‌పై రికార్డు 10 మ్యాచ్‌ల్లో 17 వికెట్లు
కివీస్‌పై అద్భుతమైన ట్రాక్ రికార్డ్
2022లో టీమిండియా తరఫున అంతర్జాతీయ టీ20ల్లోకి అరంగేట్రం చేసిన అర్ష్‌దీప్ సింగ్.. అనతికాలంలోనే భారత డెత్ ఓవర్ల స్పెషలిస్ట్‌గా, నమ్మకమైన పేసర్‌గా ఎదిగాడు. ముఖ్యంగా కివీస్ జట్టుపై అర్ష్‌దీప్‌కు అద్భుతమైన రికార్డు ఉంది. న్యూజిలాండ్‌పై ఆడిన 10 టీ20 మ్యాచ్‌ల్లోనే ఏకంగా 17 వికెట్లు పడగొట్టాడు. అందులో ఒక మ్యాచ్‌లో ఐదు వికెట్ల ప్రదర్శన కూడా ఉంది.ప్రస్తుతం ఉన్న ఫామ్ చూస్తుంటే, కివీస్‌తో జరిగే సిరీస్‌లోనే అర్ష్‌దీప్ ఆ 5 వికెట్లు తీసి ఈ మైలురాయిని దాటడం ఖాయంగా కనిపిస్తోంది
