Asia Cup Super 4: ఆసియా కప్ సూపర్ 4లో భారత్ తో జరుగుతోన్న మ్యాచ్లో బంగ్లాదేశ్ టాస్ గెలిచి బ్యాటింగ్ ఎంచుకుంది. గాయం కారణంగా ఈ మ్యాచ్ కు బంగ్లా కెప్టెన్ దూరమయ్యారు. జాకిర్ అలీ కెప్టెన్ గా వ్యవహరించనున్నారు. ఈ మ్యాచ్ గెలిచిన జట్టు దాదాపుగా ఆసియా కప్ ఫైనల్‌కు అర్హత సాధిస్తుంది.
ప్రస్తుతం సూపర్ 4 పాయింట్ల పట్టికలో భారత్, బంగ్లాదేశ్, పాకిస్థాన్‌లకు చెరి 2 పాయింట్లు ఉన్నాయి. అయితే, మెరుగైన నెట్ రన్ రేట్ కారణంగా భారత్ మొదటి స్థానంలో ఉంది. ఈరోజు గెలిస్తే, భారత్ పాయింట్ల పట్టికలో అగ్రస్థానంలో నిలిచి ఫైనల్‌లో చోటు ఖాయం చేసుకుంటుంది.టీ20 ఫార్మాట్‌లో భారత్, బంగ్లాదేశ్ ఇప్పటివరకు 17 మ్యాచ్‌లలో తలపడ్డాయి. వీటిలో భారత్ 16 మ్యాచ్‌లలో గెలిచి, కేవలం ఒక్క మ్యాచ్‌లోనే ఓడిపోయింది. ఇది భారత్‌కు అనుకూలమైన రికార్డు.
జట్లు:
బంగ్లాదేశ్ (ప్లేయింగ్ XI): సైఫ్ హసన్, తాంజిద్ హసన్ తమీమ్, పర్వేజ్ హొస్సేన్ ఎమోన్, తౌహిద్ హృదయ్, షమీమ్ హొస్సేన్, జాకర్ అలీ(w/c), మహ్మద్ సైఫుద్దీన్, రిషాద్ హుస్సేన్, తంజిమ్ హసన్ సకీబ్, నసుమ్ అహ్మద్, ముస్తాఫిజుర్ రహ్మాన్
భారత్ (ప్లేయింగ్ XI): అభిషేక్ శర్మ, శుభ్‌మన్ గిల్, సూర్యకుమార్ యాదవ్(కెప్టెన్ ), తిలక్ వర్మ, సంజు శాంసన్(w), శివమ్ దూబే, హార్దిక్ పాండ్యా, అక్షర్ పటేల్, కుల్దీప్ యాదవ్, జస్ప్రీత్ బుమ్రా, వరుణ్ చక్రవర్తి
