Brendon McCullum: టెస్ట్ కోచ్ పదవికి బ్రెండన్ మెక్కలమ్ గుడ్ బై! అసలు కారణం ఏంటంటే?

Brendon McCullum: క్రికెట్ ప్రపంచంలో ఒక సంచలన వార్త! ఇంగ్లాండ్ టెస్ట్ క్రికెట్ జట్టు రూపురేఖలను మార్చేసి... 'బజ్ బాల్' (Bazball) అనే సరికొత్త, అగ్రెసివ్ ఆటతీరును పరిచయం చేసిన ఆ జట్టు హెడ్ కోచ్ బ్రెండన్ మెక్కలమ్ ఒక షాకింగ్ నిర్ణయం తీసుకున్నాడు.

ఇంగ్లాండ్ టెస్ట్ జట్టు హెడ్ కోచ్ పదవికి మెక్కలమ్ గుడ్ బై చెప్పేశాడు. ఇకపై తాను కేవలం వన్డే, టీ20 లాంటి పరిమిత ఓవర్ల ఫార్మాట్లకు మాత్రమే కోచ్‌గా కొనసాగుతానని స్పష్టం చేశాడు. ఈ విషయాన్ని ఇంగ్లండ్ అండ్ వేల్స్ క్రికెట్ బోర్డ్ (ECB) అధికారికంగా ధృవీకరించింది.

టెస్ట్ క్రికెట్ అంటే డిఫెన్స్ మాత్రమే కాదు.. వన్డేల కంటే వేగంగా ఆడొచ్చని ఇంగ్లాండ్ జట్టు చేత నిరూపించి, ప్రపంచ క్రికెట్‌లో 'బజ్ బాల్' ట్రెండ్ సెట్ చేశాడు మెక్కలమ్. అలాంటి వ్యక్తి ఇప్పుడు టెస్ట్ కోచింగ్ బాధ్యతల నుండి వైదొలగడం అందరినీ ఆశ్చర్యానికి గురిచేస్తోంది.

ఈ సందర్భంగా మెక్కలమ్ ఒక ఎమోషనల్ ప్రకటనను విడుదల చేశాడు. "ఇంగ్లాండ్ టెస్ట్ జట్టుకు కోచింగ్ ఇవ్వడాన్ని నేను ఎంతో ఇష్టపడ్డాను. మనం అంతా కలిసి సాధించిన విజయాల పట్ల నాకు చాలా గర్వంగా ఉంది. ఈ ప్రయాణంలో కొన్ని అద్భుతమైన విజయాలు చూశాం, కొన్ని కఠినమైన రోజులను కూడా ఎదుర్కొన్నాం. కానీ అవన్నీ ఆటలో సహజమే. పదవి నుంచి వైదొలగడం బాధగానే ఉన్నా... ఇకపై నా దృష్టి అంతా వైట్ బాల్ క్రికెట్ (వన్డే, టీ20) పైనే ఉంటుంది" అని మెక్కలమ్ పేర్కొన్నాడు.

మెక్కలమ్ టెస్ట్ జట్టుకు దూరం కావడం ఇంగ్లాండ్ టీమ్‌కు పెద్ద లోటనే చెప్పాలి. మరి మెక్కలమ్ వైదొలిగిన తర్వాత ఇంగ్లాండ్ టెస్ట్ జట్టు 'బజ్ బాల్' ఆటతీరును ఇలాగే కొనసాగిస్తుందా? లేదా పాత పద్ధతికే పరిమితమవుతుందా? అనేది ఇప్పుడు ఆసక్తికరంగా మారింది.