Duleep Trophy: ప్రస్తుతం జరుగుతున్న దులీప్ ట్రోఫీ ఫైనల్ మ్యాచ్‌లో సౌత్ జోన్ ,సెంట్రల్ జోన్ జట్లు తలపడుతున్నాయి. ఈ మ్యాచ్ బెంగళూరులోని బీసీసీఐ సెంటర్ ఆఫ్ ఎక్సలెన్స్ (BCCI Centre of Excellence)లో సెప్టెంబర్ ఇవాళ ఉదయం 9:30గంటలకు ప్రారంభమైంది. ఫైనల్ మ్యాచ్ విజేతను నిర్ణయించడానికి ఐదు రోజుల పాటు జరుగుతుంది. ఫైనల్ మ్యాచ్‌లో ఇరు జట్ల ఆటగాళ్లు తమ ప్రతిభను చాటుకోవడానికి ఇది ఒక మంచి అవకాశం. ఎందుకంటే, పలువురు సీనియర్ ఆటగాళ్లు ప్రస్తుతం ఇతర అంతర్జాతీయ సిరీస్‌లలో బిజీగా ఉన్నారు.
మొదటి సెమీ-ఫైనల్:
బెంగళూరు, బీసీసీఐ సెంటర్ ఆఫ్ ఎక్సలెన్స్ గ్రౌండ్ 1లో సౌత్ జోన్ కు నార్త్ జోన్ మధ్య జరిగిన సెమీ ఫైనల్లో మొదటి ఇన్నింగ్స్ ఆధిక్యం ఆధారంగా సౌత్ జోన్ విజయం సాధించి ఫైనల్‌కు చేరుకుంది.సౌత్ జోన్ మొదటి ఇన్నింగ్స్‌లో 536 పరుగులు చేసి భారీ ఆధిక్యం సంపాదించింది. నారాయణ్ జగదీసన్ 197 పరుగులు చేసి అద్భుతంగా రాణించారు.
రెండో సెమీ-ఫైనల్:
బెంగళూరు, బీసీసీఐ సెంటర్ ఆఫ్ ఎక్సలెన్స్ గ్రౌండ్ 2 లో వెస్ట్ జోన్ vs సెంట్రల్ జోన్ మధ్య జరిగిన మ్యాచ్ లో మొదటి ఇన్నింగ్స్ ఆధిక్యం ఆధారంగా సెంట్రల్ జోన్ విజయం సాధించి ఫైనల్‌కు చేరుకుంది. సెంట్రల్ జోన్ తమ మొదటి ఇన్నింగ్స్‌లో 600 పరుగులు చేసి వెస్ట్ జోన్‌పై భారీ ఆధిక్యం సాధించింది.ఈ సెమీ-ఫైనల్స్‌లో మొదటి ఇన్నింగ్స్ ఆధిక్యం ఆధారంగా విజేతలను నిర్ణయించారు. దీంతో, సౌత్ జోన్, సెంట్రల్ జోన్ జట్లు ఇప్పుడు ఫైనల్లో తలపడుతున్నాయి.
