Ross Taylor: న్యూజిలాండ్ మాజీ క్రికెట్ కెప్టెన్ రాస్ టేలర్ ఇటీవల అంతర్జాతీయ క్రికెట్‌కు రిటైర్మెంట్ ప్రకటించిన తర్వాత, పసిఫిక్ గేమ్స్‌లో సమోవా జాతీయ జట్టుకు ఆడాలని నిర్ణయించుకున్నారు. అక్టోబర్ 21 నుండి డిసెంబర్ 2, 2023 వరకు సమోవాలో ఈ టోర్నమెంట్ జరగనుంది. ఈ నిర్ణయం టేలర్ తన తండ్రి వైపున సమోవాకు చెందినవాడు కావడం వలన తీసుకున్నారు. తాను తన వారసత్వాన్ని గౌరవించుకోవడానికి, సమోవా క్రికెట్‌కు సహకరించడానికి ఈ అవకాశం ఉపయోగపడుతుందని చెప్పారు. 1984, మార్చి 8న న్యూజిలాండ్‌లోని పాలమర్‌స్టన్ నార్త్‌లో జన్మించారు. అతని తల్లి సమోవాకు చెందినవారు. 2006లో న్యూజిలాండ్ జట్టు తరపున అంతర్జాతీయ అరంగేట్రం చేశారు.టెస్ట్ వన్డే ఫార్మాట్లలో న్యూజిలాండ్ తరపున అత్యధిక పరుగులు చేసిన ఆటగాడు రాస్ టేలర్. అతను మూడు ఫార్మాట్లలో (టెస్ట్, వన్డే, టీ20) 100 మ్యాచ్‌లు ఆడిన ప్రపంచంలో మొదటి క్రికెటర్‌గా రికార్డు సృష్టించారు. 2011 నుండి 2012 వరకు న్యూజిలాండ్ జాతీయ జట్టుకు కెప్టెన్‌గా వ్యవహరించారు. 2022లో అంతర్జాతీయ క్రికెట్‌కు వీడ్కోలు పలికారు. తన చివరి అంతర్జాతీయ మ్యాచ్ బంగ్లాదేశ్‌తో ఆడాడు. రాస్ టేలర్ తన బ్యాటింగ్‌లో సున్నితమైన షాట్‌లతో పాటు, శక్తివంతమైన హిట్టింగ్‌తో ప్రసిద్ధి చెందారు. తన కెరీర్‌లో అనేక మ్యాచ్ విన్నింగ్ ఇన్నింగ్స్‌లు ఆడి జట్టుకు విజయాలను అందించారు.
