Jasprit Bumrah: భారత క్రికెట్ అభిమానులకు గుడ్న్యూస్: పూర్తిగా కోలుకున్న జస్ప్రీత్ బుమ్రా
పూర్తిగా కోలుకున్న జస్ప్రీత్ బుమ్రా
Jasprit Bumrah: భారత క్రికెట్ అభిమానులకు శుభవార్త. పేస్ ఐకాన్ జస్ప్రీత్ బుమ్రా ఫిట్నెస్ విషయంలో నెలకొన్న సందిగ్ధత ఎట్టకేలకు తొలగిపోయింది. శ్రీలంకతో జరగబోయే రెండు టెస్టుల సిరీస్కు ముందు సెంటర్ ఆఫ్ ఎక్సలెన్స్ నుంచి భారత జట్టుకు తీపి కబురు అందింది. బుమ్రా పూర్తి ఫిట్గా ఉన్నాడని, అన్ని ఫిట్నెస్ టెస్టుల్లోనూ విజయవంతంగా పాస్ అయ్యాడని వెల్లడైంది.
ఇంగ్లాండ్తో జరిగిన వన్డే సిరీస్ సందర్భంగా బుమ్రాకు గాయం తిరగబెట్టడం, చివరి మ్యాచ్కు దూరమవ్వడం తెలిసిందే. ఆ మ్యాచ్లో అనుభవం లేని పేస్ అటాక్పై ఇంగ్లాండ్ బ్యాటర్లు విరుచుకుపడటంతో భారత్ ఓటమిని చవిచూడాల్సి వచ్చింది. అయితే ఇప్పుడు శ్రీలంకతో జరగబోయే టెస్టు సిరీస్లో బుమ్రా బరిలోకి దిగడం ఖాయమవ్వడంతో టీమ్ ఇండియా పేస్ దళం మరింత పటిష్టంగా మారనుంది.
ప్రస్తుతం ప్రపంచ టెస్టు చాంపియన్షిప్ రేసులో భారత్కు ఈ సిరీస్ అత్యంత కీలకం. నాలుగో డబ్ల్యూటీసీ సీజన్లో భాగంగా భారత్ ఇంకా తొమ్మిది టెస్టులు ఆడాల్సి ఉండగా, ఫైనల్ చేరాలంటే కనీసం ఏడు మ్యాచుల్లో విజయం సాధించాలి. శ్రీలంకతో సిరీస్లో క్లీన్స్వీప్ సాధించడంతో పాటు, గతంలో లంక చేతిలో ఎదురైన ఓటమికి ప్రతీకారం తీర్చుకోవడానికి ఇది సరైన అవకాశం. శ్రీలంక గడ్డపై బుమ్రా అనుభవం టీమ్ ఇండియా విజయావకాశాలను మరింత మెరుగుపరచడం ఖాయం.
