IPL 2026: చెన్నై విక్టరీ.. ప్లే ఆఫ్ రేసు నుంచి లక్నో అవుట్

IPL 2026: ఐపీఎల్-19లో చెన్నై సూపర్ కింగ్స్ అదిరిపోయే విజయాన్ని అందుకుంది! చావో రేవో తేల్చుకోవాల్సిన మ్యాచ్‌లో లక్నో సూపర్ జెయింట్స్‌పై 5 వికెట్ల తేడాతో గెలిచి, ప్లే ఆఫ్స్ ఆశలను సజీవంగా నిలుపుకుంది ధోనీ సేన.

204 పరుగుల భారీ లక్ష్యంతో బరిలోకి దిగిన చెన్నైని.. ఉర్విల్ పటేల్ తన మెరుపు బ్యాటింగ్‌తో ఆదుకున్నాడు. కేవలం 13 బంతుల్లోనే హాఫ్ సెంచరీ పూర్తి చేసి స్టేడియాన్ని హోరెత్తించాడు. మొత్తం 23 బంతుల్లో 2 ఫోర్లు, 8 సిక్సర్లతో 65 పరుగులు చేసి విజయానికి బలమైన పునాది వేశాడు.

కెప్టెన్ రుతురాజ్ గైక్వాడ్ 42 పరుగులు, సంజూ శాంసన్ 28 పరుగులతో రాణించడంతో.. చెన్నై మరో 4 బంతులు మిగిలి ఉండగానే లక్ష్యాన్ని ఛేదించింది. ఇక లక్నో బౌలర్లలో ఓవర్టన్ 3 వికెట్లు పడగొట్టి ‘ప్లేయర్ ఆఫ్ ద మ్యాచ్’గా నిలిచాడు.

అంతకుముందు టాస్ ఓడి బ్యాటింగ్‌కు దిగిన లక్నోలో.. జోస్ ఇంగ్లిస్ 85 పరుగులతో వీరవిహారం చేశాడు. షాబాజ్ అహ్మద్ 43 పరుగులతో రాణించడంతో లక్నో 203 పరుగులు చేసింది. అయితే ఉర్విల్ విధ్వంసం ముందు ఈ స్కోరు సరిపోలేదు. ఈ ఓటమితో లక్నో ప్లే ఆఫ్స్ రేసు నుండి తప్పుకోగా.. చెన్నై మాత్రం గెలుపు జోష్‌తో ముందుకు దూసుకెళ్తోంది.