South Africa in the second Test: సఫారీలదే తొలి రోజు ఆధిపత్యం.. స్కోర్ ఎంతంటే..?

South Africa in the second Test: భారత్‌తో జరుగుతున్న రెండో టెస్టులో ఆతిథ్య దక్షిణాఫ్రికా తొలి రోజు ఆటలో స్పష్టమైన ఆధిపత్యాన్ని ప్రదర్శించింది. టాస్ గెలిచి బ్యాటింగ్ ఎంచుకున్న సఫారీ జట్టు, తొలి ఆట ముగిసే సమయానికి 6 వికెట్ల నష్టానికి 247 పరుగులు చేసింది. క్రీజులో ముత్తుస్వామి (25), కైల్ వెరినె (1) ఉన్నారు.

మార్‌క్రమ్‌కు లైఫ్‌లైన్‌.. కుల్‌దీప్‌ మాయాజాలం

మ్యాచ్ ప్రారంభంలోనే దక్షిణాఫ్రికా ఓపెనర్‌ ఐదెన్ మార్‌క్రమ్ (38)కు లైఫ్‌లైన్‌ లభించింది. బుమ్రా వేసిన 6.2వ ఓవర్‌లో మార్‌క్రమ్‌ పరుగుల ఖాతా తెరవకముందే ఇచ్చిన క్యాచ్‌ను స్లిప్‌లో ఉన్న కేఎల్‌ రాహుల్‌ పట్టుకోలేకపోయాడు. ఈ అవకాశాన్ని సద్వినియోగం చేసుకున్న మార్‌క్రమ్‌, రికెల్‌టన్ (35)తో కలిసి తొలి వికెట్‌కు 82 పరుగుల భాగస్వామ్యం నెలకొల్పారు. సరిగ్గా టీ బ్రేక్‌కు ముందు బుమ్రా వేసిన అద్భుతమైన యార్కర్‌కు మార్‌క్రమ్‌ క్లీన్‌ బౌల్డ్‌ అయ్యాడు. రెండో సెషన్‌లో మొదలయ్యాక రికెల్‌టన్‌ను కుల్‌దీప్ యాదవ్.. పంత్‌ క్యాచ్‌గా పెవిలియన్‌కు పంపాడు.

నిలకడగా స్టబ్స్, బావుమా భాగస్వామ్యం

ఆ తర్వాత క్రీజులోకి వచ్చిన ట్రిస్టన్ స్టబ్స్ (49), కెప్టెన్ తెంబా బావుమా (41) భారత బౌలర్లను సమర్థంగా ఎదుర్కొన్నారు. ఈ జోడీ 84 పరుగుల కీలక భాగస్వామ్యాన్ని నెలకొల్పి జట్టు స్కోరును 150 మార్కు దాటించింది. అయితే లంచ్ బ్రేక్ తర్వాత భారత్‌కు వికెట్ల వేటలో కాస్త ఊరట లభించింది.

ముఖ్యంగా చివరి సెషన్‌లో భారత్ నాలుగు వికెట్లు పడగొట్టింది. బావుమాను జడేజా.. జైస్వాల్‌కు క్యాచ్‌ ఇవ్వడంతో ఈ కీలక భాగస్వామ్యానికి తెరపడింది. ఆ తర్వాత స్టబ్స్ అర్ధసెంచరీకి ఒక్క పరుగు దూరంలో కుల్‌దీప్ బౌలింగ్‌లో వెనుదిరిగాడు. స్వల్ప వ్యవధిలో వియాన్ ముల్డర్ (13)ను కూడా కుల్‌దీప్ పెవిలియన్‌కు పంపాడు.

భారత బౌలర్ల ప్రదర్శన

భారత బౌలర్లలో చైనామన్ స్పిన్నర్ కుల్‌దీప్ యాదవ్ (3 వికెట్లు) మూడు వికెట్లతో రాణించాడు. అతనికి జస్‌ప్రీత్ బుమ్రా, రవీంద్ర జడేజా, మహ్మద్ సిరాజ్ తలో వికెట్ పడగొట్టి సహకరించారు. సఫారీలు తమ తొలి ఇన్నింగ్స్‌లో తొలి రోజు పూర్తి ఆధిపత్యం చూపడంతో, రెండో రోజు భారత్ బౌలర్లు ఎలా పుంజుకుంటారో చూడాలి.