US Open: యూఎస్ ఓపెన్ 2025 మహిళల సింగిల్స్ సెమీ ఫైనల్లో ప్రపంచ నంబర్ 1, డిఫెండింగ్ ఛాంపియన్ అయిన సబలెంకా, జెస్సికా పెగులాను 4-6, 6-3, 6-4 తేడాతో ఓడించి ఫైనల్‌లోకి ప్రవేశించింది. ఆమె వరుసగా మూడోసారి యూఎస్ ఓపెన్ ఫైనల్ చేరుకుంది. ఫైనల్లో అరీనా సబలెంకా, అమెరికాకు చెందిన అమండా అనిసిమోవా తలపడనున్నారు. వీరిద్దరి మధ్య గతంలో జరిగిన మ్యాచ్‌లలో అనిసిమోవా 6-3 తేడాతో ముందంజలో ఉంది. అయితే, ఇది వారిద్దరికీ గ్రాండ్ స్లామ్ ఫైనల్లో తొలి ముఖాముఖి కానుంది. ఈ మ్యాచ్ సెప్టెంబర్ 6న మ్యాచ్ జరగనుంది.
8వ సీడ్ అనిసిమోవా మరో సెమీ-ఫైనల్లో నవోమి ఒసాకాను 6-7, 7-6, 6-3 తేడాతో ఓడించి తన కెరీర్‌లో రెండో గ్రాండ్ స్లామ్ ఫైనల్‌లోకి అడుగుపెట్టింది. 2 గంటల 56 నిమిషాల ఈ పోరులో ఒసాకా ఒక దశలో విజయం అంచున నిలిచినా అనిసిమోవా తన శక్తివంతమైన గ్రౌండ్‌‌‌‌స్ట్రోక్స్‌‌‌‌తో ఆమెను ఓడించింది. గ్రాండ్ స్లామ్ క్వార్టర్ ఫైనల్స్, సెమీఫైనల్స్, ఫైనల్స్‌‌‌‌లో 14–0తో ఉన్న ఒసాకా రికార్డును అనిసిమోవా బద్దలు కొట్టింది.
