CM Revanth Reddy : దసరా వేడుకల్లో సీఎం రేవంత్‌రెడ్డి.. కొండారెడ్డిపల్లిలో ఘన స్వాగతం!

నాగర్‌కర్నూల్ జిల్లాలో స్వగ్రామంలో ప్రత్యేక పూజలు, జమ్మిచెట్టు పూజలో పాల్గొన్న సీఎం

గ్రామస్థులతో సామరస్యంగా కలిసిన రేవంత్‌రెడ్డి

CM Revanth Reddy : తెలంగాణ ముఖ్యమంత్రి రేవంత్‌రెడ్డి దసరా పండుగ సందర్భంగా తన స్వగ్రామం నాగర్‌కర్నూల్ జిల్లా కొండారెడ్డిపల్లికి చేరుకున్నారు. గ్రామస్థులు సీఎంకు ఘన స్వాగతం పలికారు. ఆయనకు గజమాలలతో సన్మానించి, పూల వర్షం కురిపించారు. కొండారెడ్డిపల్లిలోని ఆంజనేయస్వామి ఆలయంలో సీఎం రేవంత్‌రెడ్డి ప్రత్యేక పూజలు నిర్వహించారు. అనంతరం గ్రామస్థులతో సమావేశమై, వారిని ఆప్యాయంగా పలకరించి ఇంటికి చేరుకున్నారు.

సాయంత్రం దసరా వేడుకల్లో భాగంగా, సీఎం తన కుటుంబ సభ్యులతో కలిసి కోట మైసమ్మ దేవాలయంలో ప్రత్యేక పూజలు చేశారు. ఆ తర్వాత గ్రామస్థులతో కలిసి కాలినడకన ఊరేగింపుగా వెళ్లి, సాంప్రదాయక జమ్మిచెట్టు పూజా కార్యక్రమంలో పాల్గొన్నారు. ఈ కార్యక్రమంలో స్థానికులు ఉత్సాహంగా పాల్గొని, సీఎంతో కలిసి దసరా వేడుకలను ఘనంగా జరుపుకున్నారు.