Dy CM Bhatti Vikramarka: 2047కు 1.39 లక్షల మెగావాట్ల అవసరం.. విద్యుత్ రంగంలో పెట్టుబడులు పెంచాలి అంటూ భట్టి విక్రమార్క ప్రెస్ మీట్

Dy CM Bhatti Vikramarka: రాష్ట్రంలో విద్యుత్ అవసరాలు తీర్చేందుకు ప్రణాళికలు తయారు చేసినట్లు ఉప ముఖ్యమంత్రి భట్టి విక్రమార్క తెలిపారు. విద్యుత్ పరిస్థితి, భవిష్యత్ అవసరాలపై మీడియా సమావేశంలో మాట్లాడిన ఆయన, విద్యుత్ డిమాండ్ సన్నద్ధతపై పవర్ పాయింట్ ప్రజంటేషన్ ఇచ్చారు. 2047 నాటికి రాష్ట్రాన్ని 3 ట్రిలియన్ ఎకానమీగా తీర్చిదిద్దాలనే లక్ష్యంతో ప్రభుత్వం ముందుకెళ్తోందని చెప్పారు.

విద్యుత్ రంగంలో పెట్టుబడులు పెరగాలని భట్టి విక్రమార్క సూచించారు. 2047 నాటికి లక్ష మెగావాట్ల విద్యుత్ అవసరం ఉంటుందని, విద్యుత్ స్టోరేజ్ పై ఇప్పటి వరకు ఎలాంటి ప్రణాళికలు చేయలేదని పేర్కొన్నారు. విద్యుత్‌ను బ్యాటరీ స్టోరేజ్, పంప్‌డ్ స్టోరేజ్‌ల్లో అందుబాటులోకి తీసుకురావాలని ప్రభుత్వం భావిస్తోందని తెలిపారు. రాష్ట్రంలో 12 ప్రాంతాల్లో పంప్‌డ్ స్టోరేజ్ పాయింట్లకు అవకాశం ఉందని భట్టి వివరించారు.

ఈ సమావేశంలో విద్యుత్ డిమాండ్‌ను సమర్థవంతంగా తీర్చడానికి అవసరమైన చర్యలు, భవిష్యత్ ప్రణాళికలు వివరించారు. పెట్టుబడులు రాకుండా విద్యుత్ రంగం అభివృద్ధి చెందదని, దీర్ఘకాలిక లక్ష్యాల కోసం సన్నద్ధతలు చేయాలని ఉప ముఖ్యమంత్రి హైలైట్ చేశారు.