Jubilee Hills By-Election Exit Polls: జూబ్లీహిల్స్ ఉప ఎన్నిక ఎగ్జిట్ పోల్స్: కాంగ్రెస్ గెలుపు దిశగా.. గట్టి పోటీ ఇచ్చిన బీఆర్ఎస్!

చాణక్య స్ట్రాటజీస్, పీపుల్స్ పల్స్, నాగన్న సర్వేలు కాంగ్రెస్ గెలుపును సూచిస్తున్నాయి

ఓట్ల శాతం: కాంగ్రెస్ 46-48%, బీఆర్ఎస్ 41-43%, బీజేపీ 6-11%

ఆపరేషన్ చాణక్య: 8 వేల మెజారిటీతో కాంగ్రెస్ విజయం

ఓటర్ల నాడి పసిగట్టిన సర్వేలు.. ఫలితాలు నవంబర్ 14న

Jubilee Hills By-Election Exit Polls: జూబ్లీహిల్స్ ఉప ఎన్నికల ఎగ్జిట్ పోల్ ఫలితాలు వెలువడ్డాయి. పలు ప్రముఖ సర్వే సంస్థలు ప్రకటించిన ఎగ్జిట్ పోల్స్‌లో కాంగ్రెస్ పార్టీ గెలుపు దిశగా ఉన్నట్లు తేలింది. బీఆర్ఎస్ కు గట్టి పోటీ ఇస్తూనే.. కాంగ్రెస్ అభ్యర్థి ముందంజలో ఉన్నారని సర్వేలు చెబుతున్నాయి. అక్టోబర్ 13 నుంచి సాగిన ఈ హోరాహోరీ ప్రచారంలో మూడు ప్రధాన పార్టీలు తలపడ్డాయి. ఇప్పుడు ఓటర్ల అభిప్రాయం ఏ పార్టీ వైపు ఉందో ఎగ్జిట్ పోల్స్ చూపిస్తున్నాయి.

ఎగ్జిట్ పోల్స్ వివరాలు ఇలా..

పలు సర్వే సంస్థలు నిర్వహించిన ఎగ్జిట్ పోల్స్‌లో కాంగ్రెస్‌కే మొగ్గు చూపినట్లు తేలింది. మేజర్ సర్వేల ఫలితాలు ఇవిగో..

చాణక్య స్ట్రాటజీస్: కాంగ్రెస్ 46%, బీఆర్ఎస్ 43%, బీజేపీ 6% ఓట్లు

పీపుల్స్ పల్స్: కాంగ్రెస్ 48%, బీఆర్ఎస్ 41%, బీజేపీ 6% ఓట్లు

నాగన్న సర్వే: కాంగ్రెస్ 47%, బీఆర్ఎస్ 41%, బీజేపీ 8% ఓట్లు

ఆపరేషన్ చాణక్య: కాంగ్రెస్ కే 8 వేల ఓట్ల మెజారిటీతో విజయం

JANMINE సర్వే: కాంగ్రెస్ 42.5%, బీఆర్ఎస్ 41.5%, బీజేపీ 11.5% ఓట్లు

HMR సర్వే & స్మార్ట్ పోల్: రెండూ కాంగ్రెస్ గెలుపునే సూచిస్తున్నాయి

మొత్తంగా చూస్తే.. కాంగ్రెస్ 42.5% నుంచి 48% వరకు ఓట్లు సాధించే అవకాశం ఉండగా, బీఆర్ఎస్ 41-43%తో వెనకే ఉంది. బీజేపీ 6-11% మధ్యలోనే నిలిచే అవకాశం కనిపిస్తోంది. చాలా సర్వేలు కాంగ్రెస్ అభ్యర్థికి పట్టం కట్టాయి. అయితే బీఆర్ఎస్ తో గట్టి పోరు సాగుతుందని తేలింది.

ఈ ఉప ఎన్నికల్లో కాంగ్రెస్, బీఆర్ఎస్, బీజేపీల మధ్య త్రిముఖ పోటీ నెలకొన్న సంగతి తెలిసిందే. పోలింగ్ మంగళవారం జరిగింది. అధికార ఫలితాలు నవంబర్ 14న వెలువడనున్నాయి. ఎగ్జిట్ పోల్స్ ఎంతవరకు కరెక్ట్ అవుతాయో చూడాలి!