Record Surrender: సీఎం రేవంత్ సమక్షంలో 126 మంది మావోయిస్టుల లొంగుబాటు: రాష్ట్ర చరిత్రలో రికార్డు

Record Surrender: తెలంగాణ రాష్ట్రంలో మావోయిస్టు కార్యకలాపాలకు భారీ ఎదురుదెబ్బ తగిలింది. భారీ సంఖ్యలో మావోయిస్టులు ఈరోజు లొంగిపోతున్నారు. మొత్తం 126 మంది మావోయిస్టులు ముఖ్యమంత్రి రేవంత్ రెడ్డి సమక్షంలో ఆయుధాలతో సహా లొంగుబాటు చేసుకోనున్నట్లు సమాచారం. ఈ సంఘటనతో వారు సాధారణ జనజీవన స్రవంతిలో కలిసిపోయి, సమాజంలో భాగమయ్యేందుకు మార్గం సుగమమవుతుంది.

దేవ్‌జీ ప్రాంతానికి చెందిన పీఎల్‌జీఏ (పీపుల్స్ లిబరేషన్ గెరిల్లా ఆర్మీ) కమిటీ మొత్తం సభ్యులు సరెండర్ చేయనున్నట్లు తెలుస్తోంది. ఈ అంశంపై మరిన్ని వివరాలు తెలియజేయడానికి సాయంత్రం 4 గంటలకు బంజారాహిల్స్‌లోని కమాండ్ కంట్రోల్ సెంటర్‌లో సీఎం రేవంత్ రెడ్డి మీడియా ప్రతినిధులతో మాట్లాడనున్నారు. ఈ లొంగుబాటు రాష్ట్ర చరిత్రలోనే అతిపెద్దదిగా నిలవనుంది, ఇది మావోయిస్టు ఉద్యమానికి తీవ్ర దెబ్బ తగిలినట్లు సూచిస్తోంది.

అయితే, ఈ లొంగిపోయే వారిలో మావోయిస్టు పార్టీ సుప్రీం నాయకుడు గణపతి లేనట్లు ప్రాథమిక సమాచారం అందుతోంది. ఈ ఘటన రాష్ట్రంలో శాంతి, భద్రతలను మరింత పటిష్టం చేయడంలో కీలక పాత్ర పోషించనుంది.