బీఆర్ఎస్ వర్కింగ్ ప్రెసిడెంట్, మాజీ మంత్రి కల్వకుంట్ల తారక రామారావు (కేటీఆర్)కు తెలంగాణ హైకోర్టులో ఊరట లభించింది. నల్గొండలోని వివిధ పోలీస్ స్టేషన్లలో నమోదైన మూడు కేసులను హైకోర్టు కొట్టివేసింది. గత ఏడాది పదో తరగతి పరీక్ష ప్రశ్నాపత్రాల లీకేజీ విషయంలో కేటీఆర్ చేసిన ట్వీట్‌పై కాంగ్రెస్ నాయకులు ఫిర్యాదు చేశారు. ఈ ఫిర్యాదుల ఆధారంగా మూడు పోలీస్ స్టేషన్లలో కేటీఆర్‌పై కేసులు నమోదయ్యాయి.
KTR: కాంగ్రెస్ నాయకులు, కేటీఆర్ ఎలాంటి ఆధారాలు లేకుండా తమపై ఆరోపణలు చేశారని పోలీసులకు ఫిర్యాదు చేశారు. ఈ నేపథ్యంలో కేటీఆర్, ఈ కేసులను రద్దు చేయాలని కోరుతూ తెలంగాణ హైకోర్టులో పిటిషన్లు దాఖలు చేశారు.
ఈ పిటిషన్లపై జస్టిస్ కె. లక్ష్మణ్ విచారణ చేపట్టారు. కేటీఆర్ తరపు న్యాయవాది రమణరావు, ఈ కేసులు రాజకీయ కక్షలతో నమోదు చేయబడ్డాయని కోర్టుకు విన్నవించారు. ఇరుపక్షాల వాదనలు విన్న అనంతరం, హైకోర్టు కేటీఆర్‌పై నమోదైన మూడు కేసులను కొట్టివేస్తూ ఉత్తర్వులు జారీ చేసింది.
