Hero HF Deluxe : స్ప్లెండర్ కంటే తక్కువ ధర..పవర్ మాత్రం ఎక్కువ..ఫుల్ ట్యాంకుతో ఏకంగా 700కిమీ

Hero HF Deluxe : మీరు రోజువారీ ప్రయాణాల కోసం తక్కువ ధరలో మంచి మైలేజ్ ఇచ్చే బైక్ కోసం చూస్తున్నారా ? భారత మార్కెట్లో అందుబాటులో ఉన్న హీరో హెచ్‌ఎఫ్ డీలక్స్ ఒక అద్భుతమైన ఆప్షన్ కావచ్చు. ఈ బైక్ బజాజ్ ప్లాటినా, హోండా షైన్, హీరో స్ప్లెండర్ ప్లస్ వంటి బైక్‌లకు గట్టి పోటీ ఇస్తుంది. తక్కువ మెయింటెనెన్స్ ఖర్చు, తక్కువ బరువు దీని ప్రత్యేకతలుగా చెప్పవచ్చు.

హీరో హెచ్‌ఎఫ్ డీలక్స్ ఎక్స్-షోరూమ్ ధర రూ.55,992 నుంచి మొదలై, వేరియంట్‌ను బట్టి రూ.66,382 వరకు ఉంటుంది. దీని డీలక్స్ ప్రో వేరియంట్ ధర రూ. 68,485 వరకు ఉంటుంది. దీని ధర మధ్యతరగతి కుటుంబాలకు చాలా సరసమైనదిగా, వారికి అనువైనదిగా ఉంది. దీని ప్రత్యర్థి బైక్‌ల ధరలు చూస్తే హోండా షైన్ ఎక్స్-షోరూమ్ ధర రూ.79,352 కాగా, హీరో స్ప్లెండర్ ప్లస్ ఎక్స్-షోరూమ్ ధర రూ.73,902 ఉంది.

హీరో హెచ్‌ఎఫ్ డీలక్స్‌లో 97.2cc ఎయిర్-కూల్డ్, 4-స్ట్రోక్ సింగిల్-సిలిండర్, ఓహెచ్‌సీ టెక్నాలజీ ఇంజిన్ ఉంటుంది. ట్రాన్స్‌మిషన్ కోసం ఇందులో సులభంగా షిఫ్ట్ చేయగల 4-స్పీడ్ గేర్‌బాక్స్ ఇచ్చారు. ఈ డైలీ కమ్యూటర్ బైక్‌లో 9.6 లీటర్ల సామర్థ్యం గల ఫ్యూయల్ ట్యాంక్ ఉంది. ముఖ్యంగా చెప్పుకోవాల్సిన విషయం ఏమిటంటే ఈ బైక్‌ను ఒక్కసారి ఫుల్ ట్యాంక్ చేయిస్తే 700 కిలోమీటర్ల వరకు నడపవచ్చు. దీని ప్రో వేరియంట్‌లో i3S టెక్నాలజీ కూడా ఉంది, ఇది ఇంధనాన్ని ఆదా చేయడంలో సహాయపడుతుంది.

హీరో హెచ్‌ఎఫ్ డీలక్స్ డిజైన్ చాలా ఆకర్షణీయంగా, మోడర్న్ లుక్‌తో ఉంటుంది. దీని స్టైలిష్ బాడీ మరింత మంచి లుక్‌ని ఇస్తుంది. బైక్ సీటు చాలా సౌకర్యవంతంగా ఉంటుంది. బరువు తక్కువగా ఉండటం వలన దీనిని సులభంగా నడపవచ్చు. ట్రాఫిక్‌లో హ్యాండిల్ చేయడం కూడా తేలిక. దీని ఫీచర్ల విషయానికి వస్తే.. ఇందులో మెరుగైన బ్రేకింగ్ సిస్టమ్, మంచి సస్పెన్షన్, డిజిటల్ మీటర్, ట్యూబ్‌లెస్ టైర్లు, మెరుగైన ఇగ్నిషన్ సిస్టమ్ ఉన్నాయి.