Kia Carnival: కియా కార్నివాల్‌‌పై భారీ డిస్కౌంట్.. రూ.1.70 లక్షల వరకు ఆదా చేసుకునే అద్భుత అవకాశం!
అద్భుత అవకాశం!
Kia Carnival: ప్రముఖ ఆటోమొబైల్ సంస్థ కియా ఇండియా తన కార్లపై అక్టోబర్ నెలలో అందించే ప్రత్యేక ఆఫర్లను అధికారికంగా ప్రకటించింది. ఈ జాబితాలో కంపెనీకి చెందిన అత్యంత ఖరీదైన ఐసీఈ మోడల్ కార్నివాల్ అగ్రస్థానంలో నిలిచింది. పండుగ సీజన్‌ను దృష్టిలో ఉంచుకుని ఈ లగ్జరీ కారుపై కంపెనీ ఏకంగా రూ.1.70 లక్షల వరకు గరిష్ట ప్రయోజనాలను అందిస్తోంది. ఈ ఆఫర్లలో భాగంగా అత్యధికంగా రూ.లక్ష వరకు ఎక్స్ఛేంజ్ బోనస్ లభిస్తోంది. దీనికి తోడు అదనపు ప్రయోజనాలు కూడా జతకలవడంతో కస్టమర్లకు భారీగా డబ్బు ఆదా అయ్యే అవకాశం ఉంది. ప్రస్తుతం మార్కెట్లో ఈ కారు ప్రారంభ ఎక్స్ షోరూమ్ ధర రూ.59.45 లక్షలుగా ఉంది. భారతీయ మార్కెట్లో దీనికి ప్రత్యక్ష పోటీదారులు లేనప్పటికీ, ఎంజీ ఎం9 వంటి మోడల్స్‌తో ఇది పోటీ పడుతుంది.
ఆఫర్లు అలాగే బోనస్ వివరాలు
కార్నివాల్ కొనుగోలు చేయాలనుకునే వారికి కంపెనీ వివిధ రకాల డిస్కౌంట్లను అందజేస్తోంది. ఈ ఆఫర్ల ప్రకారం కస్టమర్లకు రూ.లక్ష ఎక్స్ఛేంజ్ బోనస్‌తో పాటు రూ.20,000 స్క్రాపేజ్ బోనస్ అందుబాటులో ఉంది. అలాగే కార్పొరేట్ డిస్కౌంట్ కింద మరో రూ.50,000 వరకు తగ్గింపు లభిస్తుంది. ఇవన్నీ కలుపుకుంటే వినియోగదారులకు మొత్తం రూ.1.70 లక్షల వరకు బెనిఫిట్స్ దక్కుతాయి. అయితే ఈ ఆఫర్లు నగరాలు, డీలర్ల లభ్యత ఆధారంగా మారవచ్చు కాబట్టి షోరూమ్‌ను నేరుగా సంప్రదించడం మంచిది.
ఇంజిన్ సామర్థ్యం, పర్ఫామెన్స్
ఈ లగ్జరీ ఎంపీవీలో శక్తివంతమైన 3.5-లీటర్ స్మార్ట్‌స్ట్రీమ్ వి6 పెట్రోల్ ఇంజిన్‌ను అమర్చారు. ఇది అద్భుతమైన పనితీరును కనబరుస్తూ 290హెచ్‌పీ పవర్ తో పాటు 355ఎన్ఎం టార్క్‌ను ఉత్పత్తి చేస్తుంది. ఈ ఇంజిన్‌కు జతగా అత్యాధునిక 8-స్పీడ్ ఆటోమేటిక్ గేర్‌బాక్స్‌ను ఇచ్చారు. దీనివల్ల ప్రయాణం ఎంతో సాఫీగా, ఎలాంటి ఇబ్బందులు లేకుండా సాగుతుంది.
అత్యాధునిక ఇంటీరియర్ అలాగే లగ్జరీ ఫీచర్లు
కియా కార్నివాల్ హై లిమోసిన్ మోడల్ లగ్జరీ ఇంటీరియర్ ఫీచర్లతో ప్రయాణికులకు సరికొత్త అనుభూతిని ఇస్తుంది. ఇందులో ప్రయాణికుల సౌకర్యం కోసం వేడి లేదా చల్లని నీటిని అందించే ప్రత్యేక కేబినెట్, కప్ హోల్డర్లు ఉన్నాయి. అలాగే జూతుల నిల్వ కోసం ప్రత్యేక స్థలాన్ని కేటాయించారు. ముందు వరుస సీట్ల వెనుక భాగంలో రూఫ్ మౌంటెడ్ పెద్ద 21.5-అంగుళాల ఎల్‌ఈడీ టీవీని అమర్చారు. దీని రెండవ వరుసలో క్విల్టెడ్ 3D డిజైన్‌తో కూడిన రెండు విశాలమైన ప్రీమియం కెప్టెన్ సీట్లు ఉన్నాయి. అన్ని సీట్లకు ఎలక్ట్రిక్ సర్దుబాటు సౌకర్యం, టచ్‌స్క్రీన్ రిమోట్ కంట్రోల్, పిక్నిక్ టేబుల్స్, వైర్‌లెస్ ఛార్జింగ్ ప్యాడ్స్, లెగ్‌‌స్పేస్ వద్ద ఫుట్ మసాజర్ వంటి అత్యుత్తమ వసతులు కల్పించారు.