Tata Motors : హోలీ స్పెషల్..టాటా కార్లపై రూ.లక్ష వరకు భారీ డిస్కౌంట్లు

Tata Motors : హోలీ పండుగ వేళ కొత్త కారు కొనాలనుకునే వారికి టాటా మోటార్స్ అదిరిపోయే శుభవార్త చెప్పింది. మార్చి 2026 నెలకు గానూ తన పాపులర్ మోడళ్లపై రూ.లక్ష వరకు భారీ డిస్కౌంట్లను ప్రకటించింది. ఈ ఆఫర్లు కేవలం నగదు తగ్గింపుకే పరిమితం కాకుండా.. ఎక్స్ఛేంజ్ బోనస్, కార్పొరేట్ డిస్కౌంట్లు, స్క్రాపేజ్ బెనిఫిట్స్ రూపంలో కూడా అందుబాటులో ఉన్నాయి. ముఖ్యంగా టాటా హారియర్, టియాగో, టిగోర్ వంటి మోడళ్లపై ఈ పండుగ ఆఫర్లు సందడి చేస్తున్నాయి.

ఏ కారుపై ఎంత డిస్కౌంట్?

టాటా మోటార్స్ తన విభిన్న శ్రేణి కార్లపై వేర్వేరు ఆఫర్లను అందిస్తోంది. వాటి వివరాలు ఇలా ఉన్నాయి..

టాటా హారియర్ : ఈ ప్రీమియం ఎస్‌యూవీపై అత్యధికంగా రూ.లక్ష వరకు ప్రయోజనాలు లభిస్తున్నాయి. ఇందులో నగదు తగ్గింపుతో పాటు పాత కారును మార్చుకునే వారికి భారీ ఎక్స్ఛేంజ్ బోనస్ లభిస్తుంది.

టాటా టిగోర్ : టాటా వారి స్టైలిష్ సెడాన్ టిగోర్‌పై సుమారు రూ.60,000 వరకు డిస్కౌంట్ లభిస్తోంది. బడ్జెట్ ధరలో ఫ్యామిలీ కారు కావాలనుకునే వారికి ఇది మంచి అవకాశం.

టాటా టియాగో : టాటా పాపులర్ హ్యాచ్‌బ్యాక్ టియాగోపై రూ.55,000 వరకు ఆఫర్లు ఉన్నాయి. మైలేజ్, సేఫ్టీ కోరుకునే మధ్యతరగతి వినియోగదారులకు ఇది పర్ఫెక్ట్ ఛాయిస్.

టాటా నెక్సాన్ & ఆల్ట్రోజ్ : ఈ మోడళ్లపై కూడా వేరియంట్లను బట్టి రూ.25,000 నుంచి రూ.50,000 వరకు ప్రయోజనాలు అందుబాటులో ఉన్నాయి.

అదనపు ప్రయోజనాలు

కేవలం ధర తగ్గింపు మాత్రమే కాకుండా, హోలీ సందర్భంగా కస్టమర్లను ఆకట్టుకోవడానికి టాటా మోటార్స్ మరికొన్ని ప్రత్యేక స్కీమ్‌లను కూడా ప్రవేశపెట్టింది. కొన్ని డీలర్‌షిప్‌ల వద్ద తక్కువ వడ్డీ రేటుకే ఫైనాన్స్ సౌకర్యం, ప్రాసెసింగ్ ఫీజులో రాయితీ, మరియు ఎక్స్‌టెండెడ్ వారంటీ వంటి ఆఫర్లు కూడా లభిస్తున్నాయి. అలాగే టాటా గ్రూప్ ఉద్యోగులకు, కార్పొరేట్ ఉద్యోగులకు ప్రత్యేకంగా అదనపు డిస్కౌంట్లు కూడా ఉన్నాయి. అయితే, ఈ ఆఫర్లు మీరు ఉండే నగరం, ఎంచుకునే వేరియంట్, స్టాక్ లభ్యతపై ఆధారపడి ఉంటాయని గమనించాలి.

నిజానికి 2026 ప్రారంభం నుంచి టాటా మోటార్స్ అమ్మకాల్లో దూసుకుపోతోంది. ముఖ్యంగా ఫిబ్రవరి నెలలో ఏకంగా 63,331 యూనిట్ల విక్రయాలతో 35 శాతం వృద్ధిని నమోదు చేసింది. ఇప్పుడు ఈ హోలీ ఆఫర్ల ద్వారా మార్చి నెలలో కూడా అదే జోరును కొనసాగించాలని కంపెనీ భావిస్తోంది. మరి మీరు కూడా టాటా కారును ఇంటికి తీసుకెళ్లాలని ప్లాన్ చేస్తుంటే, మీ దగ్గరలోని డీలర్‌ను సంప్రదించి మరిన్ని వివరాలు తెలుసుకోవచ్చు.