ADAS Cars : బడ్జెట్‌లో అదిరిపోయే భద్రత.. టాప్ 5 చవకైన ADAS కార్లు!

ADAS Cars : మీ కుటుంబానికి సేఫ్టీని ఇచ్చే, అదే సమయంలో మీ బడ్జెట్‌కు కూడా సరిపోయే కారు కోసం చూస్తున్నారా.. ఈ కథనంలో పేర్కొన్న కార్లు బెస్ట్ ఆప్షన్ కావొచ్చు. ప్రస్తుతం భారతదేశంలో అనేక బడ్జెట్-ఫ్రెండ్లీ కార్లు ADAS (అడ్వాన్స్‌డ్ డ్రైవర్ అసిస్టెన్స్ సిస్టమ్స్) ఫీచర్లతో లభిస్తున్నాయి. ఈ ఫీచర్లు డ్రైవింగ్‌ను సురక్షితంగా, సులభంగా మారుస్తాయి. భారతదేశంలో ADAS టెక్నాలజీ ప్రస్తుతం లెవల్-1, లెవల్-2 వరకు అందుబాటులో ఉంది. ఇప్పుడు టాప్ 5 చవకైన ADAS ఫీచర్ కార్లు ఏవో చూద్దాం.

1. హోండా అమేజ్

హోండా అమేజ్ ఒక ADAS ఫీచర్ ఉన్న కారు. దీని ధర రూ. 10.04 లక్షల నుంచి రూ. 11.24 లక్షల వరకు ఉంటుంది. అమేజ్ 4 మీటర్ల కంటే తక్కువ పొడవు ఉన్న సెడాన్, ADAS ఫీచర్ అందించిన ఈ సెగ్మెంట్‌లో ఇది మొదటి కారు. దీనిలోని ZX వేరియంట్‌లో ADAS ఫీచర్ లభిస్తుంది. ఇందులో 90hp పవర్‌తో కూడిన 1.2-లీటర్ పెట్రోల్ ఇంజిన్ ఉంటుంది. ఇది మాన్యువల్, సీవీటీ గేర్‌బాక్స్ ఆప్షన్లలో అందుబాటులో ఉంది.

2. హ్యుందాయ్ వెన్యూ కాంపాక్ట్ ఎస్‌యూవీ

హ్యుందాయ్ వెన్యూ కాంపాక్ట్ ఎస్‌యూవీ ధర రూ. 12.53 లక్షల నుంచి రూ. 13.62 లక్షల వరకు ఉంటుంది. ఇందులో ఫార్వర్డ్ కొలిషన్ వార్నింగ్, లేన్ అసిస్ట్ వంటి లెవల్-1 ADAS ఫీచర్లు ఉన్నాయి. ADAS ఫీచర్ కేవలం దీని టాప్ వేరియంట్ ఎస్‌ఎక్స్(ఓ)లో మాత్రమే లభిస్తుంది.

3. మహీంద్రా ఎక్స్‌యూవీ 3ఎక్స్‌ఓ

మహీంద్రా లెవల్-2 ADAS ఎస్‌యూవీ ధర రూ. 12.62 లక్షల నుంచి రూ. 15.80 లక్షల వరకు ఉంటుంది. ఇందులో లెవల్-2 ADAS సేఫ్టీ ఫీచర్లు అందించారు. ఈ ఫీచర్లు దీని ఏఎక్స్5ఎల్ (AX5 L), ఏఎక్స్7ఎల్ (AX7 L) వేరియంట్లలో అందుబాటులో ఉన్నాయి.

4. హోండా సిటీ మిడ్-సైజ్ సెడాన్

ఈ కారు కూడా బెస్ట్ ఆప్షన్ కావచ్చు. దీని ధర రూ. 12.84 లక్షల నుంచి రూ. 16.69 లక్షల వరకు ఉంటుంది. దీనిలోని వీ, వీఎక్స్, జెడ్‌ఎక్స్ వేరియంట్లలో ADAS (హోండా సెన్సింగ్) ఫీచర్ లభిస్తుంది. ఇందులో 121hp పవర్‌తో కూడిన 1.5-లీటర్ పెట్రోల్ ఇంజిన్ ఉంది. ఇది కూడా మాన్యువల్, సీవీటీ గేర్‌బాక్స్ ఆప్షన్లలో అందుబాటులో ఉంది.

5. కియా సోనెట్

కియా సోనెట్ ఒక స్టైలిష్ కారు. దీనిని కొనుగోలు చేయడానికి మీరు రూ. 14.84 లక్షల నుంచి రూ. 15.74 లక్షల వరకు ఖర్చు చేయాల్సి రావచ్చు. ఇందులో లెవల్-1 ADAS ఫీచర్ ఉంది, ఇది జీటీఎక్స్+, ఎక్స్-లైన్ వేరియంట్లలో లభిస్తుంది.